hoka one one

林峯豪包34D張馨月東京歎日光浴

咦?呢個喺人群中咁搶眼嘅⋯⋯咪新峯嫂張馨月?呢日見佢冇化妝,眼大大、面尖尖,皮膚又白雪雪,仲同林峯一樣,有個蝦餃下巴,好襯呀!
以前過聖誕,林峯一定帶住千語BB去東京血拼,今年行程冇變,不過女伴就換咗啦!有34 D 激凸身材嘅張馨月,呢日雖然密密實實,不過身材又真係幾索嘅!仲間唔中舉起手露下纖腰。呢日見佢身邊有個助手傍住去check in, 其間仲不停咁㩒電話。果然校啱時間,張馨月一入咗閘,林峯就出現啦!

以前佢對千語BB食好住好,連胸罩都送埋俾女友。而家梗係唔會虧待新歡啦!今次嘅行程去足九日,先去東京再去大阪,林峯仲一早book 定呢間要成7千蚊一晚嘅六星級日式酒店。林峯book 咗Yuri 雙人房,入面有張king size 嘅床,仲有落地玻璃嘅浴室。咁都未夠!最浪漫係房入面有個大浴缸,可以朝朝日光浴鴛鴦戲水,真識歎!

玩完九日,兩個坐夜機返香港,又係玩前後腳,張馨月急急腳出閘先,一出閘,就有林峯嘅私人司機迎接,幫佢拎埋手信,之後就上咗男友嘅保母車。相隔成廿分鐘,林峯先施施然推四大喼行李出閘,見佢一隻手推住行李車,一隻手拉喼,好論盡下喎!之後林峯經過果汁店,走入去買埋嘢飲比女友,夠曬體貼!最後先上返同一架保母車,join 返女友齊齊返歸。睇返之前千語BB同新歡施伯雄去歐遊,又要迫Econ,落機又要call uber,仲要自己行李自己搬,真係今時唔同住日!

  1. 尚無回應.

  1. 尚無引用.