梁凱寧 羅鈺文 麥詩敏 越南鬥晒腿

近日麥詩敏、梁凱寧、同已離開無綫新聞部嘅羅鈺文約埋去越南,三位靚女此行目的,除咗旅行,參加當地烹飪課程係此行重點,佢哋全程一路學整地道越南菜,一路影相,三個靚主播著起圍裙、戴埋廚師帽,好似好Pro咁!

己做人妻嘅羅鈺文學包春卷,在導師指導下,包得似模似樣,最後佢仲親手自己炸!

麥詩敏學包春卷,唔知邊個咁有口福呢?

連日來佢哋做自由行,四圍遊覽,三個靚女仲著上露肩、裝短褲、短裙仔坐喺路軌上自拍,相當養眼!

去到Cafe,佢哋仲扮文青拎住本書擺chok樣影相!

之後仲去埋世界遺產下龍灣,行程好豐富!

佢哋好識食,去咗當地一間米芝蓮餐廳歎法國菜,仲專登著得靚靚!

有指新聞小花麥詩敏家住西貢獨立屋,家境不俗。講到最為人熟悉嘅,一定係佢報道中東呼吸綜合症(新沙士)最新情況時,竟然食晒螺絲:「泰國確診中東呼吸中級綜合呼吸中東呼中級綜合呼吸綜合症」,令唔少網民笑爆嘴!

佢早前拎起日牌化妝品廣告合照放上IG,仲留言話model同佢似樣:「同事話似,連老豆老母都話似,好似真係幾似!」

羅鈺文 前年成為人妻

羅鈺文在2012年加入無綫新聞,現擔任無綫首席主播。但原來她已經年過30,並且在2016成為人妻,看來一眾巴打「冇機」了。不知大家是否有被擁有童顏的羅鈺文騙到而失望?

  1. 尚無回應.

  1. 尚無引用.