【搵新工？】吳若希 退出娛樂圈？你們會等我嗎
吳若希呢兩年可謂經歷唔少起起跌跌！佢憑大台劇集《使徒行者》片尾曲越難越愛彈起，而且入行短短幾年，更火速升呢進駐何文田豪宅，仲畀傳媒影到佢揸過百萬波子出入。去到今年七月，更高調認愛，同闊少男友Alex Ho拍拖。不過兩個月後就宣佈分手！
分手後吳若希靜咗一排，淨係喺社交網站更新自己近況，同間唔中出席下活動。不過星期一佢突然喺Instagram留言話：「有時在一個環境呆到累了，就要給自己一個新的挑戰，親愛的豬們，我想休息一段時間，發展自己另外的工作，你們會支持我嗎？你們會等我嗎？」
講到「新挑戰？」、「另外嘅工作？」、「等？！」唔通吳若希想退出娛樂圈？之旦係吳若希乜都唔肯講，佢老闆何哲圖接受訪問時就話，若希只係身體唔係咁好，仲因為啲私人事而唔開心，所以有影響，希望大家可以畀啲空間吳若希休息，否認吳若希退出娛圈。
講到「新挑戰？」、「另外嘅工作？」、「等？！」唔通吳若希想退出娛樂圈？之旦係吳若希乜都唔肯講，佢老闆何哲圖接受訪問時就話，若希只係身體唔係咁好，仲因為啲私人事而唔開心，所以有影響，希望大家可以畀啲空間吳若希休息，否認吳若希退出娛圈。
至於網民就好咁直接咁問佢到底轉咩工，亦有網民撐佢話：「妳要加油呀！最緊要能做自己想做的事，支持妳的一定好想聽到妳的消息，聽到妳平安已很安慰，其他的事上天總有安排的，不用擔心吧！」、 「盡情放鬆休息，若希另謀高就。支持！」、「會，我等妳！無錯！自己後生試多啲野啱嘅！！出去見多啲學多啲！！加油！」好有愛呀！
