Posts Tagged ‘ 謝賢

栢芝傳誕B仔經手人新加坡富豪

【蘋果日報】張栢芝和謝霆鋒分別於07年及10年誕下兩子,兩人11年宣佈離婚後,霆鋒跟王菲「世紀復合」,栢芝則與新加坡富豪傳戀情。雖然栢芝一直未有公佈新歡身份,但《蘋果》昨日收到消息,現年38歲的栢芝,被傳已於周日在養和醫院再誕一子,據知BB父親正是該名新加坡富豪。前夫霆鋒昨日被追問栢芝再生B,他笑着回應:「唔答喇!」

相關新聞:栢芝媽漏口風讚會照顧人

現年38歲的張栢芝,06年跟謝霆鋒結婚,兩年後爆出「艷照風波」,當時已誕下長子謝振軒(Lucas)的她,在霆鋒陪伴下度過最艱難日子,栢芝10年再誕次子謝振南(Quintus),可惜二人於11年終於離婚收場,結束短暫五年婚姻,霆鋒14年更與舊愛王菲世紀復合。離婚後的栢芝母兼父職,仆心仆命照顧一對寶貝仔,就連前老爺奶奶謝賢和狄波拉,都不止一次大讚她照顧一對孫兒十分好,教得兩人相當有禮貌。

自離婚後,栢芝不時都有緋聞傳出,包括神秘外籍男、內地富豪孫東海、台灣主持何孟懷等,以及今年3月栢芝被傳與年約60歲的新加坡富豪發展中。

擁連鎖集團

本報昨日收到消息,有傳栢芝已於周日在跑馬地養和醫院誕下一子,據知該名富豪正是BB父親。該富豪為連鎖飲食集團股東,另有一家上市企業,身家相當豐厚,過去栢芝經常往來新加坡,也是為了跟男友約會。知情人透露,栢芝曾帶男友去一個私人會所,剛巧霆鋒當晚在同一地方,栢芝便帶男友換位避免遇到前夫會尷尬。

其實栢芝計劃再生B,早已埋下伏線。今年2月,她在社交網上載一張擁着小女孩的相片,然後留言:「2018年之前,必定要生出BB來,this is my goal!」其後又暗示有新歡,有網民問她男友是誰,她還大方回應:「圈外人不可以嗎!」7月時又在Ig留言:「努力生個妹妹。」證明栢芝早已認定另一半。

神隱刪Post

據知,栢芝為免今次生B走漏風聲,不但「神隱」多個月避見人,更將一度活躍的社交平台Ig、微博等個人賬戶,所有舊post全數刪除。即使有份監製的內地劇《如果,愛》在5月播出,她也僅在5月尾身穿鬆身連身裙出席過發佈會,之後就再沒現身參與任何宣傳活動,懷孕一事就只有至親的家人及經理人Emily知道。

另外,有居於大埔康樂園的住客向本報透露,早於七、八個月前,還經常見到栢芝在屋苑會所出現,但最近已不見其影蹤,反而有不少人報料,表示在跑馬地養和醫院曾經見過她。栢芝前夫謝霆鋒昨日在尖沙嘴出席活動後,被《蘋果》追問栢芝再生B一事,淡定的霆鋒聞言保持笑容,然後就邊行邊答:「唔答喇!」

謝氏父子冒雪「玩蕉」 謝霆鋒拉埋謝賢出片解開揈香蕉之謎

近排最多人講嘅一定係港版Gordon Ramsay - 謝霆鋒,霆鋒喺內地節目《十二道鋒味》經常一邊chok一邊煮嘢食,當中嘅神級絕技揈香蕉,更加成為大家熱門討論話題。霆鋒見揈香蕉咁受歡迎,噚晚佢就喺社交網站上載咗一條同爸爸謝賢(四哥)嘅片段,呢條片片長大約3分鐘,佢哋冒著大雪喺條街為大家示範同解開揈香蕉之謎。

片段開始嘅時候,霆鋒就話要解釋俾大家知揈香蕉嘅由來,佢仲問旁邊嘅四哥,記唔記得喺佢細個嘅時候點樣引佢笑同教佢開香蕉,但係四哥就話唔記得晒。之後,霆鋒就將兩條香蕉放喺腰嘅兩旁扮西部牛仔,配合動作咁講話要揸住兩個椗位,將香蕉由上揈向下就可以開到條香蕉。

查看相片

雖然四個把口話唔記得,不過當佢拎住兩條香蕉嘅手法,就知佢嘅回憶返晒嚟啦!四哥仲爆竅門,就係要「咪一咪」個蕉椗。可惜條香蕉太生,四哥未能成功示範。

查看相片

喺片段尾聲,霆鋒話四哥仲有拆椰青肉嘅秘技,仲話日後叫四哥表現俾大家睇添呀!

片段一出之後,唔少網民大讚佢哋好sweet、好搞笑、估唔到背後有咁感人嘅故事、父子感情好好等等。希望霆鋒快啲找數,大家都好期待睇四哥嘅拆椰青肉秘技呀!