Posts Tagged ‘ 鄭秀文

周汶錡(Kathy)等出席時裝品牌Roger Vivier 2018春夏展

鄭秀文(Sammi)昨晚與周汶錡(Kathy)等出席時裝品牌Roger Vivier 2018春夏展,近日忙於拍攝許鞍華監製新戲《花椒之味》的Sammi,公開答謝客串演出的劉德華,直言要送份禮物給華仔。Sammi說︰「知佢鍾意食花生醬,但佢食素,我仲未搵到素食花生醬。」對於華仔和古天樂將在金像獎爭影帝,Sammi直言︰「好難揀,如果我係評判會各投一票。」

12分鐘搞㷫Sammi舞台做主場 子華借情史 高呼香港要童話

44歲的鄭秀文(Sammi)前晚帶病在紅館舉行第二場個唱,獲宣佈「封咪」兩年的棟篤男神黃子華撐場,破戒現身做特別嘉賓吹水,幫口為失聲Sammi製造爆笑12分鐘炒熱全場氣氛,子華神教訓Sammi作為專業表演者,最重要是唔好回水,更公開催她跟老公許志安快生BB,並為他們的兒子改名為「許勝不許敗」,借兩人的情史高呼:「香港要童話!」

鄭秀文前晚假紅館舉行第二場「Touch Mi2世界巡迴演唱會2016」,雖然感冒未癒聲音沙啞,但Sammi依然堅持show must go on,老公許志安誓必晚晚現身觀眾席支持,Sammi唱到口乾搵水飲說:「乾到碌蔗,好缺水。」前晚表演嘉賓竟然是男神黃子華,兩人僅於前年合作拍電影《失戀急讓》,子華的驚喜登場令全場尖叫拆天。

催Sammi生B

今年4月,子華神接受蕭若元的網台節目訪問,坦言覺得現時的香港「好多嘢笑唔出」,宣告封咪兩年停做棟篤笑,然而,前晚子華破戒撐Sammi再講棟篤笑,甫上台即自嘲:「我成日病,試過臨出場,喺個廁所又屙又嘔。而作為一個專業表演者,最緊要係乜嘢?就係……唔好回水!」子華又爆跟Sammi完全不熟,只拍戲見過一日:「佢問我:『子華你有冇睇過19世紀俄國大文豪陀思妥耶夫斯基嘅《罪與罰》呀?』跟住我就唔想睬佢喇,因為我係冇睇過㗎。」令Sammi笑到走音捧肚。
接着戲肉上場,子華擺許志安上枱勁放笑彈:「你哋係咪好想許志安同Sammi講……」Sammi用高八度走音聲線制止:「千祈唔好中計呀!」子華行遠跟Sammi保持距離,施施然說:「你太瘦喇!咁樣點生BB呀?」Sammi沒好氣說:「邊個話生BB?」子華抵死答:「仲得㗎,你今日攰啲,但休息完你會唔會有啲力。」

承認老公喜歡肉女 鄭秀文增磅練出4D身材

承認老公喜歡肉女 鄭秀文增磅練出4D身材

Roger Vivier X 文華酒店首推High Tea


鍾楚紅(紅姑)、鄭秀文和劉嘉玲最愛牌Roger Vivier,簽名式的方扣是不少OL熱捧的款式,最近品牌就與中環文華東方酒店聯乘,將於7月1日至8月31日期間於Clipper Lounge舉行「Super Vivier 」藝術展覽,展示優雅人物「維維亞小姐」的奇妙故事,同時以品牌標志性的長方扣飾及圖案入饌,推出特色下午茶,讓RV迷可以細味各式精緻美點。

「維維亞小姐」是Roger Vivier 2015春夏系列的化身,以摩登女英雄為靈感的卡通漫畫,以華麗的姿態走遍世界,對抗各個踐踏時尚的惡人,時而是金髮女郎,時而化身棕髮美人,愛冒險腳步永不停歇,是位時尚有品味的女超人。