失聲照拋胸 羅霖爆囝囝好服侍
「美魔女」羅霖出席電影公司開幕晚宴，見她聲音變沙近乎失聲，她表示因疲勞過度聲帶發炎已失聲四天，醫生都有問她可需要唱歌，並謂可給她打開聲針，但她不想打類固醇開聲。他又指醫生叮囑她要休息一星期，不要說話：「根本唔可能。」她指現時要服食消炎藥，暫時頂住，並笑謂：「以前發燒兩個仔都冇理我，今次就斟茶遞水、又問要唔要入院，驚我死咁，要病到咁先識孝順，但都係開心嘅。」
恨賣底褲
羅霖雖然幾近失聲，但仍為近日傳聞主動澄清，她謂：「今日好多人問我，我可以乘機澄清番，話我冇咗靠山，被包養傳聞其實已經不攻自破，話我網站要賣底褲，其實除咗底褲，入面仲有幾百款其他貨，我阿Q精神同自己講，當傳聞係宣傳，如果只賣內褲可以賣到美國某牌子咁我都開心啦。有人又問我有冇男裝底褲賣，我覺得都好，可以畀三個仔着，基本上人人都要着底褲，係大生意。」
嘆女藝人壽命短
再問到是否與幫她出寫真集的出版社反目？羅霖解釋：「唔係，係合約完結，寫真集係一班朋友同贊助商合共贊助七位數，基本上唔使拎錢出嚟，係買一本就賺一本，賣咗五千本。」羅霖又表示今年會減少幕前出現，並專注生意上：「要穩定頭家，照顧三個仔。（淡出娛樂圈？）唔係淡出，係分配時間上幕前會少啲見，都一把年紀，留啲機會畀後生啦，女藝人呢個壽命好短，我都有我打算。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
