曾拍片炮轟無綫 大膽敢言徐㴓喬Asha憑《大叔的愛》備受關注
萬眾期待嘅港版《大叔的愛》終於喺上星期開始播出，成功掀起新一輪追劇熱潮。skechers outlet除咗擔正嘅MIRROR成員Edan（呂爵安）、Anson Lo（盧瀚霆）及黃德斌備受關注，飾演阿田青梅竹馬好友梓芊嘅徐㴓喬（Asha Cuthbert）亦成為焦點，更被網民指佢同韓君婷似樣。
現年29歲嘅Asha，爸爸係英國人，而媽媽就係菲律賓人，雖然佢冇華人血統，不過就係一個土生土長嘅香港人。自細喺錦田長大嘅佢，講得一口流利廣東話，19歲開始入行做模特兒，仲係個YouTuber，喺2016年加入ViuTV。喺未加入ViuTV之前，Asha已經做咗超過10年YouTuber，喺5年前因拍片炮轟無綫《網絡挑機》及節目中王晶嘅「有樓先成功」言論一炮而紅，其大膽敢言嘅烈女性格獲得網民支持和喜愛，佢嘅YouTube頻道亦有超過14萬7千名粉絲訂閱。
加入ViuTV後，Asha為唔少節目擔任主持，例如《快樂童盟》、《兩面不是人》及《Girl’s Talk》等等，hey dude而今次《大叔的愛》就係佢第二套參演嘅劇集，噚晚劇情就講到阿田搵佢扮女朋友，去到今晚更講到梓芊被迫遷，去阿田屋企暫住，期間二人關係非常曖昧。
至於感情方面，Asha從來都冇掩蓋雙性戀者嘅身份，現時與外籍同性密友Seth拍拖多年，Asha亦有喺社交網站放閃，可見二人感情相當穩定。
