hoka one one

Posts Tagged ‘ 王宗堯

收過Moka寫真 王宗堯:原封不動擺書架

50歲嘅郭富城公開認愛,戀上內地性感辣模方媛(Moka),呢位33C嘅Moka之前係DaDa師妹,曾經喺香港出過性感寫真,o依家佢情傾天王郭富城,而一夜爆紅,其實Moka喺3年前,原來冧過男神王宗堯囉!

王宗堯喺2012年攬住Moka本性感寫真影相貼微博,仲擺出一副O嘴浮誇嘅表情,留言:「宅男出沒小心!」《蘋果》致電王宗堯問係咪識Moka?佢話:「好耐之前啦,嗰時係DaDa嘅公司出咗佢(Moka)本寫真,我上公司探佢哋定傾嘢,咁啱佢(Moka)送畀我。」問有冇合照留念?王宗堯話:「應該冇。」

問到對Moka冇乜印象呢?王宗堯話:「幾靚女,我哋冇講過嘢咁滯,佢話:『出咗寫真,送本畀你。』我話多謝。」有冇簽埋名畀你?王宗堯話:「唔記得咗囉。」咁有冇打開本寫真欣賞過呢?佢笑笑話:「好似都冇。」問到係咪轉頭丟咗?佢話:「唔會,人哋送書除非好有興趣,否則原封不動擺書架,唔會丟,人哋心意嚟。」

對於城城公開戀情,有冇祝福送畀佢哋?王宗堯話:「城中鑽石王老五有拖拍幾開心,最近大家好興將枱底嘢搬上枱面,我覺得都好正常嘅。」覺得佢哋襯唔襯?佢話:「都ok,靚仔靚女實襯。」雖然城城比Moka大20幾年,但王宗堯話:「冇所謂,城城唔似嘛。」Moka真人係咪好矮?佢笑笑話:「唔高囉,身材冇特別留意。」

郭奕芯爆全裸被音音姐打

郭奕芯

「嫩口謝安琪」之稱的郭奕芯(Ashina),現身電影「同班同學」大埔外景,Ashina表示戲中的她會全裸被邵音音用衣架打,還會跟王宗堯有情慾戲。