hoka one one

Posts Tagged ‘ 胡梓盈 ’

新美心妹妹執二攤獲母護航

「新美心妹妹」胡梓盈表演芭蕾舞後，獲母親Fiona攬着大讚。

「新美心妹妹」胡梓盈（Keicy）昨日出席商場活動，並即場大跳芭蕾舞，不過，該活動原定由童星楊鎧凝（Celine）負責表演，公關坦言自從寫真風波後對方不欲出席公開活動，故改由Keicy頂上。至於Keicy母親Fiona對此表示不知情，亦不介意女兒執二攤：「小朋友都需要平台去表演，但佢出年九月升小一，所以都會減少出活動。」

提到早前《好報》爆出Fiona曾與張栢芝弟弟張柏文拍拖並已日發展至談婚論嫁階段，她不願多談：「今日小朋友場合，唔講呢個話題。」

2015
09/15
分類
香港
標籤







撰寫回應

新美心妹Keicy：我好貪靚！

自美心妹妹Celine（楊鎧凝）之後，廣告界、傳媒界湧現多位新童星小model，個個精靈可愛，近日有位小妹妹特別搶手，經常在大小商場活動曝光，她名叫胡梓盈Keicy，去年為美心拍攝裹蒸廣告彈出，被稱為新美心妹妹！Keicy活潑可愛得人歡心，最叻唱歌跳舞多才多藝，但最鍾意都是扮靚， 喜歡做小model都因為自己好貪靚：「有得化妝同着靚衫。」幕後有做開服裝設計的媽媽幫手扮靚，每次出席活動及拍攝工作，都會扮到最靚上鏡咁識做Keicy梗係搶手啦！

family895a
胡梓盈小檔案
英文名：Keicy
年齡：4歲(2010年11月18日)
家庭成員：父母、一妹一弟
嗜好：唱歌、跳舞、扮靚、食
曾拍攝廣告： 美心、ODM watch , SDM Jazz & ballet Academies、Somewear Sunglasses等
部分獎項：中華未來之星廣東總決賽幼兒組金獎、最佳才藝獎
第七屆全港學生公開朗誦比賽英語金獎、粵語銀獎
中華未來之星廣東總決賽幼兒組金獎、最佳才藝獎
2014全港幼兒英文歌唱比賽冠軍

k2 k1
三姊弟的性格中，Keicy 和弟弟屬活躍派， 妹妹較文靜，但她好喜歡跟姐姐玩， 姐姐一做曳事，她就會一齊曳曳。

想生夠四個
現年四歲的Keicy來自大家庭，爸爸Gary及媽媽Fiona喜歡熱鬧，四年抱三，妹妹叫Kassy，弟弟Gasper，父母仍想再添丁，覺得四小孩才夠圓滿，第四個最好是男仔。「兩個家姐係sister好開心，生咗個仔後湊夠『好』字，但又覺得佢寂寞，連Keicy都叫我生多個細佬，佢話自己有妹妹陪，但細佬冇好悶。」Fiona滿心歡喜道。如果第四個都是女，豈不是一直追下去？「唔會，頂盡四個好喇，但依家未刻意追多個住。」

訪問當日Fiona帶齊三子女前來，依嘩鬼叫無時停，弟弟應該很喜歡兩個家姐，不斷被拍打都笑笑口，好搞笑。三姊弟都好為食，尤其是Keicy，媽媽經常放她的為食相facebook，好多朋友俾Like，想不到竟吸引了美心星探發掘，Fiona說：「有人inbox叫佢去casting，去到淨係扮個好開心同覺得啲食物好好味嘅樣，第二日就通知我哋揀中佢！」就此拍了人生第一個廣告。

K10 k8
美心廣告出街後好多人讚Keicy可愛，封她為新美心妹妹。

美心廣告出道
上一代Celine的美心廣告大受歡迎，Fiona起初都戥女兒擔心，「好驚佢做得唔好有比較，因為Keicy好活躍，去到會跳跳紮影響進度，好彩大家都覺得佢好開心好搞笑，我都放心咗。」

拍攝當日正值午飯時間，有大廚即場烹煮裹蒸，香噴噴的現場環境，令第一次拍廣告的她放鬆心情，與小男生邊食邊玩邊拍，互相餵大家食，成功捕捉了兩人為食可愛的一面。問Keicy為甚麼喜歡美心廣告？「因為有鐘食！」媽媽即時糾正：「係糭！」

廣告出街後反應甚好，外界封Keicy為新美心妹妹，正式踏上小model之路，廣告、報章雜誌及活動接踵而來，不過，兩代美心妹妹未合作過，Keicy都希望將來有機會跟Celine姐姐學習一番。

2015
08/18
分類
香港
標籤








撰寫回應