陳慧琳唔行性感 入行廿年拍「床照」
歌手陳慧琳（Kelly）相隔三年再推出新唱片《AND THEN》，數千張的限量版，三天內幾乎斷市，有唱片店立即把大碟價炒高二百五十元一張，令Kelly要叫唱片公司提早把精裝版CD趕快出街，於是原定下星期一才出貨的精裝版，連日趕工，明天便開始有售。
籲唱片舖唔好炒價
對唱片一開售就有好成績，Kelly說：「當然開心，多謝歌迷支持啦，但係都好想同歌迷講，如果覺得限量版炒得貴咁買精裝版支持得㗎啦，演唱會買飛睇我，佢哋已經用咗好多錢啦，希望啲唱片舖唔好炒貴啦，照番原價賣畀歌迷啦。」
被攝影師叫「上床」
今次唱片，Kelly並沒有用甚麼特別造型，完全以一個近乎素顏的妝容，找了一間大屋拍了一些生活照，Kelly謂入行多年來，甚麼造型也試過，所以今年二十周年想返璞歸真，做回一個最平常的自己，照片也以隨意輕鬆自然為主。拍攝唱片封套當日，攝影師Sam找來一間很漂亮的大屋拍攝，但一開始就叫Kelly上床，Kelly很搞笑反問：「吓？影床照？唔得㗎喎我，我唔係行性感喎我。」然後Sam狂笑說：「我都唔識影床照，你放心，不過啲光位靚，所以叫你上床影住先，哈哈。」
恨住大屋
在大屋中不同位置拍照，kelly不停大讚大屋很美，又有私家游泳池，問到Kelly是不是很渴望擁有一間大屋？Kelly說：「當然想啦！但係我依家都係租屋住，之前個市咁高，點買喎，買唔起呀，不過都想向呢個目標進發吓，努力啲做嘢，希望第日個市低番，可以買番間啦。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
