hoka one one

Posts Tagged ‘ full time

前新聞主播陳嘉倩,否認腳踏兩船

前新聞主播陳嘉倩到觀塘,為健康食品宣傳,見她心口仔紅色一撻撻,點解呢可?受訪時,她指自己今次拍廣告是比較新的嘗試:「自己都喺度適應當中。(廣告酬勞比做主播好得多?)一份係freelance工作,一份係full time工作,都冇得咁樣比較嘅!(想唔想拍戲或者拍電視劇?)未有人搵,但最緊要睇劇本同角色,適合自己咪試吓,我唔抗拒!」

問到嘉倩BB,事業得意,愛情是否亦多姿多彩?她說:「發展緊,了解當中,從來都冇多姿多彩。(係咪同過一位叫Wilson嘅醫生拍拖?)係之前嘅事。(話你一腳踏兩船?)唔知點解有呢啲傳聞,但每個人都有以前嘅事,依家專注工作同學業方面。(依家只得一段感情?)梗係啦!(有指你發展中呢位男士有位嫩模女友?)冇聽過,應該唔會有,了解緊,感情事希望低調處理,想大家集中番喺我工作。(話你收『兵』?)我冇當任何人係『兵』,都係正常朋友,社交圈子有男有女。」