【五虎將】殘樣梁朝偉男神不再 其餘四虎keep得最好係
【五虎將】殘樣梁朝偉男神不再 其餘四虎keep得最好係……
【五虎將】殘樣梁朝偉男神不再 其餘四虎keep得最好係……
男神都有「休班」時候！有內地網民巧遇梁朝偉並要求合照，相片被廣傳後唔少人都驚訝「電眼男神」走樣變大叔……喂！留意返，朝偉哥都58歲架啦～
同梁朝偉一齊當年喺TVB以「五虎將」名義力捧嘅其餘四位男藝人，翻查資料有2位已經「登六」！佢地近況如何？邊個keep得最好？
劉德華（59歲）
【五虎將】殘樣梁朝偉男神不再 其餘四虎keep得最好係……
向來華仔都係五虎 當中keep得最有狀態嗰位，開演唱會要操肌亦無問題。早排見到華仔喺「華仔天地」發放影片交代生日會安排，片中所見佢仍然神采飛揚！
黃日華（59歲）
【五虎將】殘樣梁朝偉男神不再 其餘四虎keep得最好係……
今年5月，抗癌多年的黃日華太太梁潔華因病逝世，難免令人擔心黃日華狀況。最近佢嘅獨生女黃芷晴喺facebook post相，見到華哥學整蠟燭，睇落精神唔錯，加油！
苗僑偉（62歲）
【五虎將】殘樣梁朝偉男神不再 其餘四虎keep得最好係……
「五虎」入面最大年紀嘅三哥，90年代淡出幕前經營眼鏡生意，2002年將公司出售，2005年玩票性質參演《學警雄心》大獲好評，之後一路活躍幕前，《使徒行者》系列「卓sir」一角更加為三哥帶來大馬視帝殊榮。三哥可以話係家陣五虎之中最man嗰個。
湯鎮業（62歲）
【五虎將】殘樣梁朝偉男神不再 其餘四虎keep得最好係……
年青五虎當中，本身顏值最高嘅一定係湯鎮業，轉戰商界一段日子，型男發福兼且光頭示人，但係多咗一分霸氣，TVB重頭劇《梟雄》都要搵佢演上海大亨。受訪嘅湯哥直言唔會好似劉華同三哥咁食素或者keep fit，因為年紀大有得食就好食，寧願唔做fit佬！
