Posts Tagged ‘ 婚戒

咩都可以唔見 單立文:結婚戒指就唔得!

又到《拆彈》時間喇,今集有請單立文!
網民Joe Cheung:「平時我同老婆都習慣戴結婚戒指,從來都冇除低過,但世事永遠難預料,我真係唔見咗,仲要唔記得咩情況下唔見,咁請問大家遇到呢個情況,有咩可以解救到呢?應該作一個大話出嚟?定係如實講唔見咗呢?」
單立文:「咁就易啦!因為我從來都唔戴結婚戒指嘅,因為隻結婚戒指有啲狗牙,整到我好唔舒服,從來都唔戴,唔見咗咪買過隻囉!老婆嗰隻就試過走去鑲大咗,變成一隻好靚嘅結婚戒指,身邊朋友試過唔見,佢老婆走咗出嚟同我哋哭訴,後來好彩真係搵番,發生喺我身上點拆解?有一次係太太以為自己唔見咗隻戒指,佢飲到好醉,枱面摷唔到,原來係畀我一個有勾嘅銀包勾走咗,佢喊咗成晚,嗰次係我最難忘嘅經歷,所以我會訓示自己,千不見,萬不見,都唔好唔見結婚戒指。」

熊黛林宣布嫁人 郭富城孖方媛買婚戒

昨晚(10月27日)36歲熊黛林在微博放「震撼彈」,宣佈和郭可頌結婚!她貼出一張手蹺老公郭可頌的照片,甜蜜說「我們結婚了」;巧合的是,前日正是她舊愛郭富城的生日。相中所見,熊黛林一身優雅白色長裙,手蹺住老公郭可頌,甜蜜合照,而另一張照片中見到熊黛林和郭可頌現身律師樓簽紙,經理人阿Kim幫他們做證婚人。

而當熊黛林同郭可頌宣布拉埋天窗之時,剛剛又有網友在微博爆料,指郭富城(城城)前日(10月26日)51歲生日,和內地女友方媛去珠寶店買了婚戒,還即場戴上晒恩愛!

 

熊黛林同郭可頌終於拉埋天窗,網民都為熊黛林找到Mr. Right成為郭太感開心。

 

 

熊黛林同城城拍拖7年情,二人分手後,城城曾以鞋比喻愛情,所以當熊黛林找到真愛後,就有網民代熊黛林「感謝郭王天不娶之恩」。

 

 

 

城城51歲生日當日,和內地女友方媛去珠寶店買了婚戒,還即場戴上晒恩愛。