Posts Tagged ‘ 靚女

《反黑路人甲》監製爆結局出人意表 讚王浩信搏命 撐張振朗爭視后

無綫劇《反黑路人甲》可說是王浩信、張振朗跟監製林志華的兄弟班之作;前兩者第六度合作,默契十足;王浩信拍林志華劇集,更超過10次。《反》劇初期以搞笑、臥底與社團龍頭之爭,還有向經典電影致敬等橋段,吸引觀眾追看。現播至中段,漸趨緊湊,蔣氏三父子遇害案件掀江湖仇殺,誰是真兇最終才揭盅。監製林志華接受訪問時笑言,要提名張振朗競逐最佳女主角,又爆王浩信為增1分而搏命。至於誰是final boss?他說:「是出人意表的答案!」

《反黑路人甲》講述一宗謀殺案,令江湖醞釀大風暴,戲癡張細倫(王浩信飾)因緣際會被警花顧欣頤(馮盈盈飾)委以重任,要他冒充社團四聯幫坐館遺孤。在資深臥底高彬(張振朗飾)協助下,細倫當上坐館,金牌打手陸秋(朱敏瀚飾)拚死保護,化解多個危機,卻不知道社團背後,早有驚天大陰謀在等着他們。劇中王浩信與張振朗待遇截然不同,前者跟馮盈盈、高海寧與湯怡有錯綜複雜感情線;振朗演臥底,雖然跟大小姐(賴慰玲飾)有被迫上牀戲分,但稱上不艷福,受冤屈捱打的戲比較多,不但裸跑,更要反串女裝、扮hehe。

監製林志華笑言並非跟張振朗有仇口,「這是戲劇效果,開場裸跑是製造他跟浩信的相遇,雖然搞笑,但以合情理為原則」。振朗玩制服誘惑穿女裝,令人印象深刻,林志華稱這場戲讓演員自由發揮,他玩得好開心沒有投訴,但經刪剪播出只佔很少。有觀眾看製作花絮的爆笑片段大嘆可惜,為何嘥料剪走?林志華解釋,《反黑路人甲》可以輕鬆、得意、搞笑,但不是胡鬧,要適可而止。這正是拍搞笑戲的難處,甚至比懸疑、傷心、愛情戲更難拍,因為不容易預測觀眾會否笑。他說:「我唔要胡鬧、硬滑稽,並非搞gag,笑完就算,要有劇情但又令觀眾會心微笑。拍攝時會不斷問自己係咪真係咁好笑?帶給觀眾快樂同時是給自己增加痛苦。」

林志華睇中張振朗有令觀眾笑的特質,不粗鄙或核突,這是非一般的魅力,委以重任要他加以發揮。感情線方面他跟賴慰玲有化學作用,社團大家姐跟臥底警察的交流好甜蜜。他笑言考慮提名張振朗角逐最佳女主角,後來認真說:「我希望振朗有獎攞,如最受歡迎角色獎。」

王浩信「張細倫」同是戲癡

王浩信跟林志華合作無間,《EU超時任務》中演「渠頭」,令人刮目相看。《反黑路人甲》中王浩信向多部經典電影、劇集致敬的戲中戲玩到盡,林志華說有型、智慧或沉重的角色,也難不倒浩信,現實中的他跟劇中角色張細倫同樣是戲癡。他說:「我記得拍《換樂無窮》(2012年)時找王浩信casting,他邀請我去看他跟唐寧演的舞台劇,我已看到他演戲的節奏感。佢鍾意做戲鍾意到死,好努力並且對自己要求好高。他的演出達99分了,但想要100分,我同佢講要增加這1分,可能付出多一倍力也不一定達到,但他就是要搏命做到100分。」劇中王浩信的感情有多角發展,最後情歸何處?林志華說:「張細倫對每個人也是真心的,出發點並非要識女仔,中間有感情變化,最後是否好結果就要觀眾追看了!」

朱敏瀚以行動證明決心

馮盈盈首次擔正女主角,造型與表現也被議論,有說其劉海髮型極不討好。林志華說:「我眼中馮盈盈不是港姐,她是演員,這個角色不需要靚女,是有公主病、有點傻氣兼自以為與眾不同。若要給她評分,她由最初的7.5分升到8分,在穩步上揚,大家會更喜歡她。」

此劇也玩轉了乖乖女蔣家旻,將《愛•回家》「馬子妮」變了性感「水姐」;「御用細佬」朱敏瀚變了金牌打手陸秋,林志華更點名讚朱敏瀚,「公司很多演員有潛質但未被發掘,朱敏瀚知道有機會演陸秋這個角色,他以行動證明決心,用了半年時間操練,演好這個打手角色」。他又說:「許家傑演奸角司徒Sir,我提醒他小心在街會被打,他很樂觀,認為有『送水輝』加持,觀眾不會討厭他。」

「舅父」李成昌有機會是兇手

《反黑路人甲》還有兩星期便結局篇,蔣氏三父子遇害仍是懸案,究竟誰是兇手?徐榮演的「喪鐘」與姜大衛演的「晨爺」似乎太着迹了,林志華說:「未到結局我梗唔會爆誰是final boss,個個都有殺人動機,但最後是誰付諸行動殺蔣氏三父子呢?除了『喪鐘』、『晨爺』,有機會係『舅父』李成昌喎!我可以透露結局是合情合理,但又出人意表的,看到最後便知道答案。」

麥美恩摸粗碌物體 爆響口唔屬於許文軒

Edmond有啲秘密真係唔係人人知,麥美恩好似好清楚。

緋聞情侶麥美恩與許文軒(Edmond)孖住出席《粵講粵㜺鬼》節目宣傳,玩遊戲伸手入箱猜箱內食材時,麥美恩摸到蔗後即口快快說:「咁粗嘅,唔係Edmond嘅。」Edmond立即伸手與美恩一齊摸,摸足半分鐘,現場立即起哄,有人大叫:「唔好借啲意拖手。」同節目的歌手戴祖儀又在兩人後面做心心,事後兩人亦大方派心心,問是否公開戀情?美恩詐傻:「我話佢手臂粗!」Edmond笑言自己大髀粗。

由於男方首次由主播轉做節目,美恩讚他努力,但否認有推薦對方:「佢靠自己,監製揀咗佢後,係有問過我。呢個節目唔係一般主持,仲要識做戲,(有你特別培訓?)有培訓計劃,點搶Fo,佢係男仔辛苦啲,所有飛身、舞醒獅都係佢做,(培訓完得唔得?)去多轉廣州先,之前去過5日,嚟緊去7日。」問到出埠會再增進感情?麥美恩直言好少跟男仔出埠,冇鬧交已很好,因為出埠會見真章,讚Edmond好就得她:「有次好攰同戴祖儀想去揼骨,叫埋Edmond,佢又肯,我唔想揼全身,淨係揼腳,佢都肯就我,(咁好做男友?)再出多次埠先,佢又唔會佔我便宜。」

首次拍節目的許文軒,透露放下主持包袱,會扮女人又會着古裝,並多謝美恩支持,大讚她經驗老練,問會否以身相許?他說:「叫佢教多啲點扮靚女。」

靚空姐Vien冇見一排 疑二度發育「Big」爆mon

靚女空姐Vien 之前因為旺角街頭訪問後聲名大噪,成為網絡紅人後隨即被起底,甚至有「 閃卡」流出… 事隔一段日子,Vien已經重新出發,向IG女神方向邁進。就喺無耐之前,Vien喺社交網上載一張半身照,睇到萬千男士呆了…

Vien街訪後爆紅

話說Vien本來只係個普通的靚女空姐,不過因接受一媒體街頭訪問而爆紅,訪問內容大概係少女無懼寒凍露美腿的原因,當時攝影師公然定格影住對腳,Vien嬌嗲地對住鏡頭講左句「好賤呀!」搞到網民們都勁讚個女仔又靚又甜,Vien隨即火速被「起底」。

「閃卡」在網上流出

一句「好賤呀」,搞到Vien被火速起底,大家都知道佢係空姐,IG粉絲暴增。 但可惜人紅是非多,之後Vien更有「閃卡」喺網上流出!

搞到空姐都冇得做

之後Vien寫咗好長的 IG Story講返成件事… 原來上年Vien同Ex分手,但個賤男一直騷擾佢,仲威脅會公開閃卡。即使佢報咗警,但都無用。最後因為街頭採訪搞到佢爆紅,被公司知道後逼佢辭職等等。

收過Moka寫真 王宗堯:原封不動擺書架

50歲嘅郭富城公開認愛,戀上內地性感辣模方媛(Moka),呢位33C嘅Moka之前係DaDa師妹,曾經喺香港出過性感寫真,o依家佢情傾天王郭富城,而一夜爆紅,其實Moka喺3年前,原來冧過男神王宗堯囉!

王宗堯喺2012年攬住Moka本性感寫真影相貼微博,仲擺出一副O嘴浮誇嘅表情,留言:「宅男出沒小心!」《蘋果》致電王宗堯問係咪識Moka?佢話:「好耐之前啦,嗰時係DaDa嘅公司出咗佢(Moka)本寫真,我上公司探佢哋定傾嘢,咁啱佢(Moka)送畀我。」問有冇合照留念?王宗堯話:「應該冇。」

問到對Moka冇乜印象呢?王宗堯話:「幾靚女,我哋冇講過嘢咁滯,佢話:『出咗寫真,送本畀你。』我話多謝。」有冇簽埋名畀你?王宗堯話:「唔記得咗囉。」咁有冇打開本寫真欣賞過呢?佢笑笑話:「好似都冇。」問到係咪轉頭丟咗?佢話:「唔會,人哋送書除非好有興趣,否則原封不動擺書架,唔會丟,人哋心意嚟。」

對於城城公開戀情,有冇祝福送畀佢哋?王宗堯話:「城中鑽石王老五有拖拍幾開心,最近大家好興將枱底嘢搬上枱面,我覺得都好正常嘅。」覺得佢哋襯唔襯?佢話:「都ok,靚仔靚女實襯。」雖然城城比Moka大20幾年,但王宗堯話:「冇所謂,城城唔似嘛。」Moka真人係咪好矮?佢笑笑話:「唔高囉,身材冇特別留意。」