Posts Tagged ‘ Renee

《特技人》譚俊彥再做男一!熒幕背後的他很寵妻!

《天命》播畢,熒幕上又再出現譚俊彥!正受力捧的Shuan再次得到主演機會,參與TVB新劇《特技人》擔任男主角。熒幕前努力表現最好,密密拍劇,私下他原來是位寵妻暖男!

Cosmopolitan.com.hk
Cosmopolitan.com.hk

太太任祉妍曾在IG放閃:「老公我餓了,我還沒吃午餐呢。」過了一會兒…譚俊彥就說:「出來吃飯吧。」如此寵妻,仲入得廚房,實在是天下老公的榜樣!

Cosmopolitan.com.hk

譚俊彥也是仔女控,2015年老婆生第一胎小晴天Renee時,首次榮升爸爸的Shuan陪住出入產房,更親手餵奶,大男人瞬變暖爸,父愛濃濃!

Cosmopolitan.com.hk

Shuan當時接受媒體訪問,表示自會煲湯水給老婆補身,更抽空個半月時間陪伴老婆和女兒,無論係老公定爸爸身份,絕對做足100分。

Cosmopolitan.com.hk

好多女生都批評另一半唔識影相,譚俊彥是個拍照高手,經常為太太擔任專屬攝影師,在他操刀之下,太太任祉妍無論大頭相定全身照一樣咁有女人味。

Cosmopolitan.com.hk

譚俊彥近日在為新劇《十八年後的殺人告白》而需要減肥十多磅,日日練跑!事實上,他本來係壯男一名,外形keep得好好,非常煞食。

Cosmopolitan.com.hk

加入TVB後,他一直係緋聞絕緣體,相信同佢本人經常曬全家幅有關,無女敢埋身,有咗呢粒定心丸,老婆一定好開心。

Cosmopolitan.com.hk

譚俊彥簽做TVB親生仔,都係為了留港多陪太太同一對仔女。他曾在女兒一歲半的時候說:「囡囡比較喜歡跟媽媽,有時候我想抱她都說不好」可見他多為家庭著想。

李蘊誕7磅B女唔夠契媽G.E.M.作歌快

李蘊誕7磅B女唔夠契媽G.E.M.作歌快

初嘗為人母滋味的李蘊,抱着女兒,有女萬事足!

【東方日報專訊】現年24歲的李蘊(Renee)前日順利誕下重約7磅B女,榮升人母!講到產女經過,她透露陣痛12小時成功「屙出B」,皆因感覺似好急想去大便,奈何護士不准「屙」,十分辛苦,而一直陪伴在旁的老公感動到喊!其好姊妹鄧紫棋(G.E.M.)及何超蓮升呢契媽,G.E.M.花了半小時創作國語歌祝賀,歌詞更包含兩位好姊妹的「名字」,相當有心思!

恭喜恭喜!歌手李蘊(Renee)今年一月跟內地金融才俊羅章冠補擺喜酒,隨即宣布懷有猴B,之前還稱醫生指B女要六月才出世,豈料前日已誕下B女升呢媽媽!昨日凌晨三時許她在網上上載B女的腳仔相,留言稱愛女已於16日出生,重約7磅:「我們的寶貝女兒在昨天提早了三星期來報到了,痛了12小時,順產3.2kg,很感恩,從此16/5是我人生最難忘的一天。」昨晨她又上載母女合照,B女已經識笑。因老公怕出鏡,影一家三口的照片時,李蘊用公仔圖案為老公遮面。

老公陪產開心到喊

Renee誕女,兩位好姊妹鄧紫棋(G.E.M.)及何超蓮榮升契媽,G.E.M.準備大禮慶祝,送上親自創作的國語歌。昨日凌晨她在網上發布自彈自唱的新歌,並留言:「何小姐深夜對我施加壓力叫我寫歌給她…後來我就…好吧…我聽話…立即去寫!親愛的各位,0516,我和超蓮正式成為乾媽了!好感動!」此曲不但是送給契女,亦是送給超蓮的25歲生日禮物,歌詞除表達她們三人深厚的友情外,G.E.M.更在歌詞加入兩位好姊妹名字的普通話諧音,認真有心思!超蓮亦有轉發該曲,指是紀念「我們仨的緣分」,在微博回覆網友時,她更大爆G.E.M.作此曲只用了半小時,大讚對方「急才王」!

G.E.M.接受電話訪問時坦言十分開心:「我同超蓮係講唔到其他嘢,淨係不停講Oh My God。」講到寫歌過程,她稱是靈感湧現:「尋晚超蓮問我幾時可以寫首有佢哋兩個個名嘅歌,我隔咗十分鐘一睇到就好快寫咗兩句歌詞,寫咗就不如寫埋個曲,我坐埋去個鋼琴就開始寫,都係幾分鐘嘅事,之後錄完就好快Send畀佢哋兩個,跟住就甫咗上網。」

身為媽媽的Renee當然最開心!產後的她接受電話訪問大談順產經過,自爆食完西瓜開始見紅,但強調女兒足月:「佢出世係37周4(日),我喺37周2(日)嗰日喺屋企食咗個西瓜,去廁所發現有血,跟住執走佬袋去醫院,醫生安排我入院,但入咗院之後得血,冇話規律陣痛、冇穿水,所以喺醫院住咗兩晚。」但她表示第二晚凌晨突然陣痛,覺得快要生,故入產房,期間要聞「笑氣」(一氧化二氮)及打止痛針止痛:「開到5、6度開始語無倫次,愈嚟愈痛,從來未試過咁痛,終於畀我經歷到原來真係形容唔到嘅痛!到開到8、9度,感覺係好急好想去大便嘅感覺,姑娘不停叫唔准屙,真係好辛苦!」

試餵母乳未上奶

她表示開到10度時終於可以屙,老公一直陪伴她:「佢見到BB個頭已經眼濕濕,見到BB個身出埋嚟佢就喊,我因為聞咗啲氣好High又眼瞓,所以冇喊,依家諗番係好感動!」她表示BB有時似老公有時似她,笑言最好兩個都似。她又稱昨晨有試餵人奶,但未上奶:「兩三日之後先有,依家盡量試感覺同個位,覺得同佢好親密,盡量一上奶就全人奶。」她又稱未為BB改中、英及乳名。昨晚G.E.M.和超蓮到醫院探Renee及契女,G.E.M.在網上貼出四人合照,大讚B女可愛。而甄詠珊亦有探望,指看到對方由小妹妹變成好媽媽,十分感動。