hoka one one

港版鄭多燕 53歲劉美君 公開美魔女餐單

劉美君 回復單身

劉美君經歷過兩段婚姻失敗、育有三個13至34歲兒女,去年10月宣布同相戀八年混血男友Steve和平分手,回復單身後反而更自由自在。劉美君平時早睡早起勤練瑜伽、閒時留守加州湊孫為樂,近日則回流香港為ViuTV選秀節目《全民造星》擔任導師、又為9月舉行之《環球高歌陳百強》紀念演唱會練歌籌備,冇咗愛情,生活一樣過得滋陰又充實。

劉美君
愛得瞓身、分手亦夠瀟灑,兩次婚姻失敗後,劉美君曾經與混血男友Steve相戀八年談婚論嫁,不過去年演唱會後就自爆已經分手。
7點後絕食

年過半百、已經抱咗兩個孫,劉美君除咗身形、面容keep得fit,最緊要都係保持心境年輕,日日潮玩instagram分享工作湊孫健身日記,仲識po完相加插大抽hashtag增加話題同點擊。日前上載高難度瑜伽動作、順手晒埋完美 體形同腹肌外,最唔話得係公開埋早午晚三餐食譜教埋粉絲一齊健康一齊fit。簡單嚟講,劉美君話自己朝早係「牛」,只飲有機、食草牛所產之乳酪,中午就係食肉獸,而夜晚嗰餐就變素食者。重點都係早睡早起、三餐定時、勤做運動,仲有堅持夜晚7點以後絕不進食。由以前被朋友稱之為「黑洞」食唔停,到依家有節制有規律又忍得口,你估53歲美魔女易做㗎?

劉美君
韓國有個51歲鄭多燕,係全球女性塑身女神,其實港產亦有53歲的劉美君,家有兩孫的她,身形一樣fit到漏。
鄭多燕

回流造星

上月劉美君由美國返港,應ViuTV之邀擔當《全民造星》導師之一,年紀最大、心境反而最年輕,經常自爆睇世界盃或選秀都係貪靚仔。

最in嫲嫲

與兩任丈夫先後誕下三名兒女,三年前劉美君仲抱埋孫,如今細孫女都已經滿一歲,工作、出埠以外,最大樂趣就係留守加州玩孫。

童心未泯

雖然冇拖拍,不過劉美君勝在朋友多、興趣又廣,日前同老友黃子雄兩個加埋102歲齊齊入場睇《超人特工隊2》。

少女味濃

平時潮玩IG同影相apps外,劉美君最強係年過半百依然有副童顏,日前敷住自製mask自拍po上網,鬼馬精靈個樣竟然仲有少女味。

與孫同樂

平時唔使工作會留在加州湊兩個孫,有氣有力一齊玩之餘,最緊要係仲有童心,搶咗孫仔架兒童三輪單車踩。

劉美君

素顏省鏡

身材fit爆、皮膚白滑,出席活動盛裝示人當然省鏡,平時公餘在家,劉美君亦都信心爆棚愛騷真‧素顏。

劉美君這位逆齡嫲嫲身形弗到漏,腹肌與馬甲線盡現,全因多年來自練瑜伽,已成高手可做任何高難度動作,她指從來不花錢在美容療程,健康心得亦很簡單,就是早睡早起,吃得健康。

  1. 尚無回應.

  1. 尚無引用.