車廂溫馨兩個鐘 練海棠瞞伍詠薇偷食
練海棠乃廣告界名人，多年來一直有唔少女埋身，佢2010年時就曾經被爆乘伍姑娘不在港時，與索女燭光晚餐！練生與該女子甜蜜碰杯之餘，仲愈坐愈埋摸晒手仔。不過事後伍姑娘選擇相信老公，並無過問。
伍姑娘及後更公開讚到老公天上有地下無，話再搵唔到一個好似練生一樣咁好的男人！
但最近伍姑娘忙於拍攝有線節目，練生就再次出動！佢被影到近半年經常相約一名擁有34D身材的長髮女子，每次出動都會換唔同衫，到人多的地方更會戴上口罩，生怕被人認出。今個月初練生就被影到揸七人車載長髮女到天后，當時長髮女身穿短褲和小背心，練生仲主動錫錫完先講bye！
事隔不久，練生呢日被發現與長髮女到油麻地一戲院睇戲，佢在快餐店時本來着住白色T-shirt，但之後忽然加多件恤衫仲戴上口罩，變裝後先同長髮女一齊入場。睇完戲兩人就去中環開餐嘆白酒，可能因為兩杯落肚，心情似乎放鬆不少。用餐約一小時後轉場去南灣沙灘，練生同長髮女一直在七人車中間乘客位，匿喺車廂近兩小時！
長髮女全程都冇落過車，不過見到練生除咗件恤衫，落車時仲成支水兜頭淋，似乎做完好激烈的運動，要急急降溫！完事後練生送長髮女返筲箕灣耀東邨，見到長髮女依依不捨，傾足五分鐘都未肯走，最後吻別完先單拖上樓。至於練生…當然就係返屋企交人啦。
練生偷食戰車就係呢部Alphard七人車，新款價值約90萬。日常載老婆，得閒就載情人，可謂一車兩用！
尚無回應.