汪明荃(阿姐)以八和會館主席身份出席華光先師寶誕。當了主席16年的阿姐自言喜見八和會館發展現已有成績,亦望政府再多撥資源。

提到馮淬帆(緊哥)在專訪中提及阿姐是其初戀情人,阿姐最初反問緊哥是誰?及後聽到是馮淬帆即忍不住爆出心底話說:「係咩?佢認咩?幾十年前的事了,哈哈。(他當年不肯承認?)係大家都無講過。」對於馮淬帆表示當年還在舞蹈室門外等阿姐,阿姐就笑笑口指忘記了、可能有,並反問為何重提舊事、對方現在是否沒有女朋友?

問到是否被緊哥的才華吸引?阿姐直言:「佢當年既做話劇、又做播音員,的確覺得佢好叻好有才華。(會否可惜沒有一起?)無得咁講,大家仲後生,有好多唔同朋友都好正常,而且呢啲好少一拍即合。」談及馮淬帆表示幸好沒跟阿姐走下去、以免阻阿姐發展,阿姐對此回應:「都唔係,條路係咁行就順其自然,可能佢無結婚都適合佢,獨身更自由,結了婚和單身係有少少分別。」談到馮淬帆亦指是因阿姐事業心好強而不敢發展下去,阿姐認為每個人都有事業心,可能對方適合小鳥依人的類型。 汪明荃讚初戀情人馮淬帆有才華。