hoka one one

Archive for 2019 年 11 月 5 日

警方進入多個商場追捕 多個商場晚上提早關閉

         網上多區發起反警暴「行街」活動,警方走入多個商場追捕,多個商場夜晚要提早關閉。金鐘添馬公園亦都封閉,引起市民不滿,中區警區總督察陳淑萍指,是因為評估後認為有可能發生非法活動,又反問記者「誰說一定要事前通知封鎖現場」。

咩都可以唔見 單立文:結婚戒指就唔得!

又到《拆彈》時間喇,今集有請單立文!
網民Joe Cheung:「平時我同老婆都習慣戴結婚戒指,從來都冇除低過,但世事永遠難預料,我真係唔見咗,仲要唔記得咩情況下唔見,咁請問大家遇到呢個情況,有咩可以解救到呢?應該作一個大話出嚟?定係如實講唔見咗呢?」
單立文:「咁就易啦!因為我從來都唔戴結婚戒指嘅,因為隻結婚戒指有啲狗牙,整到我好唔舒服,從來都唔戴,唔見咗咪買過隻囉!老婆嗰隻就試過走去鑲大咗,變成一隻好靚嘅結婚戒指,身邊朋友試過唔見,佢老婆走咗出嚟同我哋哭訴,後來好彩真係搵番,發生喺我身上點拆解?有一次係太太以為自己唔見咗隻戒指,佢飲到好醉,枱面摷唔到,原來係畀我一個有勾嘅銀包勾走咗,佢喊咗成晚,嗰次係我最難忘嘅經歷,所以我會訓示自己,千不見,萬不見,都唔好唔見結婚戒指。」

霍詠盈化身女護士 胡智略變身男管家

萬聖節玩變身!
已故名人霍英東嘅孫女霍詠盈(Caroline)早前被爆與前港姐吳婉芳大仔胡智略(Caspar)秘密發展姊弟戀,不過二人愛得低調,甚少喺網上甫出兩個同框合照。呢日Caroline喺網上晒出二人cosplay造型照,大方放閃,相信係日前萬聖節派對相,見Caroline化身「白衣天使」着上護士服兼戴咗護士帽,而Caspar則着上白恤衫黑背心,似乎係扮演男管家,兩個塊面仲塗上濺血嘅妝容添。而佢哋亦玩緊誰是兇手嘅遊戲,當中枱面放滿咗搵兇手嘅線索道具,佢哋仲準備咗墳場造型嘅曲奇,真係認真!