Archive for 2021 年 5 月 3 日
女星蔡宛珊是「水着控」，無論去到世界各地，都要影水着相。日前她網晒在大澳取景的靚相，見她穿三點式上陣，32C「峰」情盡現，而且甫士多多，扭腰、挺股、夾胸等層出不窮，她留言：「好多人問我呢度究竟喺邊？係大澳！香港都有咁靚嘅地方！親親大自然，保護環境，玩還玩，記得唔好破壞大自然。」網友笑言在她的「點綴」下，將大澳變為旅遊勝地，更叫她多在香港影水着相，可增加本地遊的吸引力。
同樣擁有魔鬼身材的陳靜選擇行山減壓，雖然「封咪」上陣玩密實，但一襲緊身衣出賣其「魔鬼」的秘密，帶來「震撼」的視覺效果！
縱橫電視圈多年的視帝歐陽震華（Bobby）自言「恨」做壞人，笑言因外表太善良，升呢當男一以來從未演過奸角。他又點評多位曾合作的女星，形容萬綺雯是「監護人」，跟關詠荷是夢幻組合，宣萱就最偉大。
藝人歐陽震華暌違4年再度拍攝無綫劇集《伙記辦大事》，發揮獨特的幽默本色。劇中他飾演交通意外調查組總督察，笑言最難適應是要穿白恤衫拍攝：「你知我個身形，件白恤衫無遮無掩，所以我點都拎住個File遮住，開拍後我就極速收身，令觀眾對眼睛唔會咁受虐待，恤衫粒鈕都平順啲。」他自爆曾向監製提議跟馬德鐘交換角色，飾演亦正亦邪的律師，並自言擔任主角以來從未做過反派，他無奈地說：「可能我個樣太善良，冇人夠膽畀我試，我心目中嘅反派唔係無啦啦攞張刀去亂咁拮人，或者一味做個乞人憎嘅樣出嚟，而係要有故事嘅一個人物，呢啲可遇不可求。」
新劇反應不俗，向來有「收視福將」之稱的他對此美譽欣然接受：「咁呢個係事實，多謝大家畀呢個名我，好過讚我靚仔，喺無綫我叫續集王。」面對新人輩出，問到會否擔心難以吸納新一代觀眾，他豁達表示：「隨緣，佢哋連四大天王都唔識，咁我仲未退休，仲可以拍落去，觀眾眼光係雪亮，十幾歲都識睇戲，佢覺得呢個人啲戲好睇自然會睇。」
同關詠荷係夢幻組合
另外，講到合作過的女拍檔，他以「監護人」來形容新劇對手萬綺雯：「係佢先搞得掂我，因為我好容易扭計，佢會叫我老爺、會氹我。」他又點名讚揚宣萱：「我叫佢做乜都肯制，佢真係好偉大，佢知我係為咗個效果，可以畀我含啖水去噴佢，第一次係《美味天王》，第二次係《賭場風雲》。」至於關詠荷，他稱2人是夢幻組合：「佢老公張家輝同我講：『結婚初期好多人都以為你先係佢老公！』」
雖然Bobby合作過的女星無數，但多年來保持零緋聞紀錄，問到是否因為少拍親熱場面？他坦言向來討厭拍親熱戲，但也不乏接吻戲：「同陳秀雯有Kiss戲，我驚過佢，佢食素，我怕佢Feel到我啲肉味會嘔。我同關詠荷拍接吻戲時，佢一路拍一路講嘢，佢話個嘴郁住會自然啲喎！同蔡少芬拍，劇本話要擁吻，我話我啲輪廓拍擁吻好肉酸，扁口扁面，最多錫你額頭同臉珠。」
鍾欣潼（阿嬌）一向被視為「零死角女神」，顏值雖高但身形時肥時瘦，早前就忽然暴脹現身內地綜藝節目《怦然心動20歲》預告片中，除了尖面變圓面外，就連條頸都消失，令人猜測她是否身體出毛病，好拍檔蔡卓妍就為她澄清是因為賀爾蒙失調，還叫大家不要太聚焦在阿嬌的身形上，最重要是她開心和健康。
阿嬌似乎未有受報道影響心情，日前就以短片教大家用沒有濾鏡、沒有美顏的「原相機」自拍，明顯對自己很有信心，即使原相直出都無有怕，見阿嬌一開始就高炒自拍，雖然不再是V煞面，但狀態不再像早前的暴脹，她又以不同的POST教大家拍照，以POST遮掩包包面，雖然她聲稱是「原相機」自拍，但對比拍攝前後的照片，還是可見到些微的修圖效果。
之前祖儀預告將與丁子朗拍攝一場「四級」的激情戲，是她入行以來最激一次，日前兩人為新劇《青春不要臉》拍攝這場愛情動作戲，戲情交代祖儀與子朗的角色經歷分手後和好如初，兩人情到濃時，在客廳及梳化肉緊又攬又錫，祖儀穿性感吊帶背心及短褲，而丁子朗更拍到除上衫露點演出，拍攝時他們十分投入，看來兩人沒有被「四級」激情戲難到。
問祖儀會否覺得尷尬？她說沒有，因為之前已經跟丁子朗拍了幾次咀戲，開工不久已拍激吻戲，所以要盡快投入角色。至於拍攝時有甚麼準備？她指劇組很好，現場準備了薄荷糖，笑言：「其實今次不止是四級，對我來說是十級難度，因為要記好多動作及走位，還要顧及表情，不過拍攝時已豁出去，根本沒時間尷尬。之前與子朗的感情戲比較青澀，首次拍激情戲感覺都幾開心，因為現實生活愛情好乾燥，出名烈女沒拍拖好耐，拍戲有愛情滋潤都唔錯。」
說到丁子朗拍攝時除去上衫露點演出，她大讚對方身材好有條件露，令觀眾看到流鼻血。不過事前她沒有特別做運動收身，因為她的角色不是靚女，今次飾演一個開心的傻大姐，反而要肥小小，但另一場看她穿貼身運動戲服仍然好Fit。問她擔正演女主角可有壓力？她笑稱懷疑余德丞才是女主角，在劇中余德丞與子朗這段兄弟情有好多情感戲。子朗承認跟余德丞對手戲好多，大家在屋邨長大的好兄弟，兩人更一齊追夢，他笑余德丞在劇中也艷福不淺，有兩位女神劉穎鏇及伍樂怡周旋他身邊。
抱起祖儀感覺吃力
平日丁子朗比較怕醜，拍攝激情戲他覺得最緊要做好心理準備，而香口膠當然是必備：「始終對手是女孩子，所以要同對手好好溝通，祖儀是一個好肯溝通的對手，拍攝前大家溝通好。我都有參考過類似的戲，將尷尬感覺減到最低，作為演員在心態上要作出調節，要說服自己才做到，以最快速度完成，連監製也估不到一take過，最主要事前大家準備充足。」問他露點演出事前有沒有操肌？他表示因拍劇沒有時間，希望出來效果不會太差，其中他要抱住祖儀轉的動作，他不敢說祖儀重，是自己不夠大隻，所以抱起祖儀感覺有點吃力。
對於首次「孭飛」擔正演出的他，形容今次是演藝事業的中期測驗，希望帶給觀眾視覺衝擊，看完給他意見改善。他承認拍攝初期緊張到失眠，幸開拍一星期後已經好暢順，好開心監製對他們好大信任，願意聆聽及溝通，有信心是一部好作品。
韓君婷被蔡國威迫遷事件鬧得沸沸揚揚，雙方各執一詞。韓君婷今日再次接受東網訪問時，承認被迫遷，她說：「呢件事係真嘅，我諗有人睇唔過眼，所以講咗出嚟，見到佢不停佔我便宜同奚落我，我本身諗住呢件事就咁算㗎喇，冇諗住爆出嚟，但似乎佢近日好似太過分，連身邊人都睇唔過眼啩，所以爆咗出嚟。」她又指蔡國威已經沒有當她是朋友，由搬走那天開始已經相當難受。
講到蔡國威以千字文為自己辯護，強調沒有迫遷，韓君婷即扯火說：「其實佢呢啲垃圾大話精，真係唔想再回應佢，佢之前回應嘅嘢，已經係前言不對後語，所以我唔想再畀呢個垃圾大話精利用我去做新聞，我只不過係想講出真相，我唔係一個會佔人便宜嘅人，亦都唔會去傷害人，依家要做好自己好好工作，去面對將來要行嘅路。」她重申蔡國威對她說的「你究竟幾時搬走」，這7個字她一輩子都不會忘記。
及後，韓君婷再於社交網發文，強調：「我不想再包容你去講大話去傷害我。我不會好似別人製造新聞，傷害人讓自己出位。人生就是過眼雲煙，我只會做好自己正面去面對未來。」至於蔡國威則表示不會再回應事件：「多謝大家，有明白我嘅人就已經足夠啦，我唔會再回應任何嘢啦。」
