Posts Tagged ‘ 唱功 ’
久未露面的趙頌茹（阿Yu）與蘇樺偉齊出席活動，阿Yu表示早前為馬天佑音樂會表演、被不少人指她圓潤了，聽取大家評語加上為音樂會操練，她繼續運動減肥有不錯成績，現可穿其他尺碼。阿Yu又預告將重拾音樂工作，紀念明年出道20周年，她說：「早前在《Chill Club》難得唱返歌，見到大家留言，我都好感動可以出現在大家的青春當中。但始終流行風格與當年不同了，想有故事起承轉合，分享做音樂的感覺。」
阿Yu透露為此感緊張，更找老師補習唱歌技巧，笑言感覺陌生，但大家為她留言打氣，令她覺得可再試一次。至於聖誕節為小朋友有何安排？她直言疫情下很難出門，只望身體健康，也感受到街上變熱鬧了。
TVB銳意改革綜藝節目，4月已經推出《開心大綜藝》、《日日媽媽聲》、《大整蠱》以及革新版《勁歌金曲》，務求同亦步亦趨嘅ViuTV爭奪收視。其中，過去幾年被放喺深夜時份播放嘅《勁歌金曲》更肩負同對台音樂節目Chill Club正面交鋒嘅重任，搵Eric Kwok、糖妹及樂壇新人Oscar（涂毓麟）主持，而形式都有所轉變。
向來《勁歌》都係新歌宣傳平台，唔少歌手都會上去介紹作品兼演繹，新版《勁歌》就加入類似選秀節目元素，搵20位「音樂選民」評價歌手表現。有消息話呢班「音樂選民」絕對唔會同歌手客氣。
即將播放嘅《勁歌》會有洪卓立、何雁詩及吳若希演繹新歌，並且係第一批被當面評價嘅歌手，而評論嘅「音樂選民」當中有資深DJ陳海琪。當洪卓立唱完《你那邊好嗎？》之後，陳海琪直接批評出道多年嘅立立「你唔需要咁慘咁唱，首歌係充滿希望」，仲「教路」叫立立搵「宮崎駿嘅藍天」，立立當下完全唔識反應。
至於何雁詩唱完新作《灰夠》之後，亦被陳海琪「插到七個一皮」，仲令何雁詩當場流淚。何雁詩回應傳媒時就話，喊唔關陳海琪俾負評事，而係錄影當日正值新碟出街前一日，自己要獨立處理好多事好大壓力，加上見返《超級巨聲》嘅評審伍樂城，因此好感觸。對於陳海琪嘅評語，何雁詩認為有道理，會虛心聆聽，加上對方係前輩，所以唔會批評佢。
而陳海琪就話自己只係講真話，而且今時今日好多人唔能夠接受真話，令自己要冒風險。而呢集《勁歌》暫未知幾時出街。
