Posts Tagged ‘ 舒服 ’
佘詩曼前晚於上海出席珠寶首飾鑑賞晚宴，身穿一條吊帶白色長裙、配以名貴首飾的她，仙氣爆發，不論身材、樣貌都同樣養眼。
阿佘受訪時坦言愛美是女人的天性，自己跟很多女士一樣都是超級貪靚，當中小飾物更是她的至愛。她說：「我記得4歲嗰陣已經好鍾意飾物，有一次同媽咪行街，見到一隻心形、中間有粒石嘅耳環，好鍾意，媽咪同我講穿耳好痛，但我話唔怕，我真係好想要！咁細個都鍾意小飾物，我覺得女仔或多或少都係要戴飾物襯托吓！」平日見阿佘出席不同場合時總愛戴上手鐲及戒指，她笑說：「我鍾意o架！平時出街都會專登襯，戴唔同嘅戒指，試過有日唔記得戴，周身唔自在咁，最後都即時喺街買咗隻戒指，成個人舒服晒！」
曹永廉於新劇中艷福無邊，咀勻男女！平時嬉皮笑臉的他原來亦有尷尬時刻，56歲的他自嘲年紀大，跟後生女攬錫感尷尬：「所以同蝦頭拍就最舒服。」
曹永廉於無綫熱播劇《愛美麗狂想曲》飾演花花公子，不過他「戴定頭盔」，自嘲外形欠缺說服力。提到他享盡艷福，跟張秀文、朱智賢等親熱，更與「極品」楊詩敏（蝦頭）有攬錫床戲，荒謬得來產生化學作用，夠晒爆笑！平時嘻嘻哈哈的他嚴肅表示：「雖然我拍過好多咀戲，可以話經驗豐富，但係我咁大年紀仲要攬錫，同埋年紀大人咁多，有啲唔好意思。」
唔擔心被抽水
他坦言與「中女」蝦頭拍親熱戲最舒服，畫面雖然欠缺美感，但可以令觀眾發笑：「同蝦頭真係唔尷尬，首先唔擔心佢抽我水，佢亦都唔擔心，拍嗰陣真係方便好多。」
原來阿廉錫男士的經驗亦同樣豐富，他說：「我咀過好多男仔，黎耀祥、何廣沛，今次就蕭正楠，同佢亦冇尷尬，亦冇上癮嘅。」
想同蕭正楠「分手」
對於無綫近期將綜藝節目重整旗鼓，入行初期主力拍旅遊節目的他希望重操故業，但覺得與「冤氣拍檔」蕭正楠應該暫時「分手」，他笑言：「我哋真係對得太多，窒嚟窒去都係嗰啲，之前去瑞士拍節目去到最尾，得我哋兩個真係冇嘢講。我哋都有傾過呢個危機，真係要抖吓先得。」
