Posts Tagged ‘ Maggie ’
女主播永遠都有種神秘魅力，令到男士無法抗拒，所以各個電視台嘅女主播永遠都有一班擁護者，當中大台嘅小花受到嘅注目，唔會比明星少o架。好似上年先畢業嘅主播梁凱寧(Maggie)，Year 2去無綫實習時，已經有網民留意佢，唔係因為佢表現突出，而係佢嘅34E上圍好「凸」出，只要上Google搜尋「梁凱寧」，就會有好多關於身材嘅關連字，今年6月，梁凱寧開始為大台主持新聞提要，10月仲兼埋天氣報告。
噚日佢報天氣時，著上緊身白色外套，被網民發現佢好似飛釘凸點，唔知係咪個廠好凍呢?搞到網民係咁開po討論，其實Maggie報新聞或天氣都好鍾意著白色或粉紅色緊身衫，搞到網民cap圖cap到手軟，明明應該係睇天氣報告，但雙眼就唔知飛咗去邊。
其實今年3月，高登仔已經搵到疑似梁凱寧中學時同男友仔去沙灘嘅比堅尼照，相入面佢上圍已經十分突出，仲伸晒脷反V，男友就從後雙手箍住佢。
連周嘉儀都唔撈，無綫新聞仲有咩靚女睇？有，以下為六大上位新聞小花，排名不分先後，而且各有特色，梗有一個啱你心水！
校花主播 陳嘉倩
就讀中大時就被捧為校花嘅陳嘉倩(Katherine)，自細已天生明星相，而且充滿表演慾，21歲時已經喺港台開咪做主持，兼開金口清唱〈感情線上〉同〈少女的祈禱〉，更曾學宇宙漿整金魚嘴，真人原來好鬼馬！
年齡：25歲
賣點：淡定、清純、靚靚靚
激凸34E 梁凱寧
據知梁凱寧(Maggie)深得無綫高層與同事歡心，原因為人夠主動、抵得諗，加上樣子標青，童顏時已擁有34E激凸上圍，有網友po出佢細嗰時泳衣相，嘩真係好堅喎！更有fans專登將其出鏡片段cap低，指激凸上圍令人好分心！
年齡：23歲
賣點：熱情主動、身材吸睛
翻版Kelly 藍可盈
因貌似陳慧琳(Kelly)嘅藍可盈(Christy)，備受高登仔至愛，更為佢成立「迷盈黨」！唔知係咪可盈BB面圓圓勁cutie，有唔少網民話一見可盈BB出鏡，就好想摵佢塊面，勁搞笑！原來可盈BB去年曾轉職幫恒基地產主席李兆基(四叔)打工，據知BB因未能適應公關工作，最後重返TVB重操故業，繼續日日同fans報道新聞。
年齡：約25歲
賣點：似Kelly、白淨圓面夠cutie
鄰家女孩 陳逸雅
陳逸雅(Kary)眼仔碌碌、面尖尖，是典型靚女樣，自小喜歡寫作，更曾奪得校內中文故事創作比賽亞軍，絕對有知識又有姿色！依家愈大愈索，加埋一把長直髮，盡現秀麗氣質，難怪出道年多瞬即俘虜唔少宅男！
年齡：23歲
賣點：清純、眼大、鄰家女孩feel
OL誘惑 黃麗幗
黃麗幗(Ruby)早前被網民於地鐵中捕獲，當時穿上OL套裝嘅佢掛住玩手機，不經意露出白滑玉腿，好多網民都大讚佢對腿好靚！再加上兔仔牙同baby fat，就算不時有蝦碌鏡頭，網民一樣咁buy！
年齡：約25歲
賣點：兔仔牙、OL白滑美腿夠晒煞食
Cute版陳伶俐 李穎琳
李穎琳(Vicky)原本係亞視財經主播，加入TVB後人緣不俗，尤其同另一索小花陳嘉倩感情要好，經常食飯撐枱腳！Vicky閒時愛自拍，尤其最愛港女高炒式自拍，V煞臉更加明顯！早前有傳佢離職，後來澄清只係做番老本行財經新聞，fans終於鬆口氣！
年齡：25歲
賣點：談吐得體、具壓台感
邵美琪早前與前男友施祖男公開「分訊」，雖然拍劇表現未受情變影響，但談到感情事就一律避談：「多謝關心！」而同劇的黃德斌力證她情緒穩定，李霖恩更爆她心情好到想玩四驅車！
藝人邵美琪（Maggie）聯同黃德斌和李霖恩昨日到無綫電視城，首日拍攝無綫新劇《刀下留人》。近日與前男友施祖男在微博發共同聲明承認分手的她，在拍攝現場就與同劇演員和劇組人員不時有講有笑，到午膳時間更在飯堂與黃德斌、李霖恩以及導演討論劇情，心情似乎並未受「分訊」影響，顯得相當輕鬆。
不過，記者上前詢問她宣布分手後心情，有傳因前男友「偷食」而斬情絲的她就直言不回答所有有關感情問題，更謂：「多謝關心！」而記者再問為何分手後半年後才宣布及好友有否關心了解等問題，她亦再次說道：「多謝關心！」但當談及劇情和拍攝進度，她就變得侃侃而談。
問同劇的黃德斌覺得對手Maggie心情如何？他直言：「冇特別吖！（佢最近公開咗分手！）都係睇報紙先知，唔講真係唔覺。咁佢係專業演員嚟，又係成年人，唔會將心情放喺工作上嘅，我自己都唔會畀個人感情影響工作啦！」又扮Maggie對記者講：「『多謝關心』佢！」更戥對方工作辛苦，因前天拍畢《張保仔》後，昨日就隨即開《刀》劇，名副其實劇接劇。而黐上假鬚的李霖恩更對Maggie宣布分手一事毫不知情：「你唔講我都唔知！佢喺我Facebook見到我Post我個玩具四驅車場，就問我可唔可以嚟，仲話佢細個都有砌模型添！」
| 一 | 二 | 三 | 四 | 五 | 六 | 日 |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
