港台體育女主持火辣身材做運動吸睛爆紅就連MC張天賦都有Follow？

近日香港電台體育節目《港台體壇123》其中一個環節《全民運動3.3》中，主持范莎莎（Zaza）與體適能教練吳國幸（Icy）示範居家運動，其貼衣運動裝束盡顯玲瓏浮凸身材，成為話題；原來兩位都大有來頭，Icy更加獲MC張天賦、MIRROR成員Jeremy、Frankie、ERROR成員肥仔及hey dude曾比特（Mike）等多位圈中男藝人追蹤佢個IG。

香港電台將片段上載至官方YouTube頻道，網民紛紛留言大讚：「港台終於有正能量」、「港台都好明白點擊數既關鍵。」、「港台晨早播呢啲，就唔駛淪落到0點收視啦。」等等，甚至有網民表示跪求Icy私教，其實Icy係一名港越混血兒，正職為私人教練，不時喺IG大曬S型身材靚相，從IG照片中睇到，佢同MIRROR成員Jeremy、Frankie係朋友關係，Icy曾喺2015年為Jeremy慶生；而去年6月，Jeremy、Frankie都曾替Icy慶祝生日，相當老友鬼鬼。Icy成為網上熱話，亦令佢IG追蹤人數由約2.4萬急升至4.4萬（截至17日凌晨12時），除咗曾比特（Mike）有追蹤之外，就連近來緋聞多多嘅MC張天賦都有追蹤，不過唔知點解喺Icy爆紅後，MC就取消咗追蹤對方。

至於主持人Zaza就畢業於旅遊系，曾於2018年報名參選香港小姐，未能入圍嘅佢2019年轉戰亞姐，成功勇奪季軍兼「最上鏡小姐」入行。Zaza現時IG追蹤人數為1.3萬，red wing boots工作照以外，喺疫情前成日大曬旅遊照，去過韓國、德國、法國、意大利、葡萄牙、希臘、捷克等多個國家地方。據悉，Zaza曾於英國及荷蘭留學，識得6種語言，亦曾於電影《掃毒3：天大地大》、《G風暴》及《Z風暴》中擔任無名小角色，佢曾接受訪問時表示，簽約亞視後工作量唔多，要靠自己接洽其他工作先可以維持生活開支，宜家就兼任韓文老師幫補；Zaza亦直言與亞視合約去到今年年尾，正猶豫續唔續約。