hoka one one

男友偷嗒助手生埋仔 坎坷林雅詩自認蠢女人

藝人林雅詩於2017年同前夫溫文英離婚後,一直屢傳同經理人兼緋聞男友馬天樂拍拖,惟二人一直死口唔認。近日有讀者向東網爆料,指馬天樂一直背住林雅詩「偷食」,而該女子更為他誕下兒子,林雅詩慘被蒙在鼓裏。

雖然佢哋之前一直唔認拍拖,但件事爆出嚟,林雅詩認自己一直玩地下情。
從照片中見馬天樂用手機玩自拍,一名小朋友跟一名女子一同熟睡,而另一張相見馬天樂赤裸上身與小朋友一齊瞓,最後一張相係該名女子抱住小朋友的合照,三張相的床單圖案完全相同,相信拍攝地方是同一地方,目測小朋友已經約兩歲大。

呢張相一床三人,原來馬天樂金屋藏嬌。

仲要連仔都有。

慈父呀!
另外,亦流出疑似馬天樂與一名女子的對話截圖,當中見到二人感情疑似生變,因女方不想再糾纏在這段三角關係,想放下感情,更坦言連小朋友都可以唔要:「你不捨兒子,留給你,一個不夠,兩個畀晒你,我一人生活也可以,就是要走出這種陰霾,做回自己,讓自己的生活有意義起來,我不想再活在你們的陰影,給我定不可理喻的規矩,你們做甚麼都得,我做甚麼都錯,我要自由了。」

疑似馬天樂同女子短訊截圖,見到男方話會解決她,應該係講林雅詩。

疑似馬天樂不停同女方講對唔住。
女方直言希望可以做回自己,不受束縛,不想再一輩子這樣下去:「我不想一輩子比下去,好累,你值得擁有更好的。」及後男方多番挽留對方,希望對方可忍耐多一陣,從而化解三角關係:「不會一輩子的,請忍耐多一會,我會好好解決她的。」而男方亦希望女方不要亂想:「我愛你是真心的,請不要再亂想,我會用盡我方法去保護你,令你難過的時刻真的對不起,請原諒。」而男方更以「你是我的掌上明珠」來稱呼女方。
事後東網向林雅詩求證,她感到相當愕然,靜了一段時間表示:「我需要時間冷靜吓。」及後東網提供照片,向她再求證,她和盤托出承認同馬天樂已拍拖近3年,因不想影響工作因而沒有承認戀情,她說:「我真係好震驚,估唔到佢同我一齊咁耐,呃咗我咁耐,原來仲同人生埋個仔!」

林雅詩又再遇人不淑,佢話唔敢再拍拖,自認係蠢女人。
問到會否質問對方,她說:「我需要時間冷靜吓。(識唔識個女人?)識,個女人係馬天樂嘅助手,我覺得佢好攻心計,因為平時我哋出席活動,佢都會幫手,但佢對我冇嘢,完全睇唔出佢哋之間係有嘢!(同對方講分手?)我要啲時間消化吓。」
講到佢前夫溫文英被指偷食,現在馬天樂又疑似搭上另一名女子,林雅詩心淡話自己遇人不淑:「我覺得自己好坎坷,我承認我係一個蠢女人!(唔再拍拖?)我唔會再相信愛情,一次又一次係咁,我唔會再拍拖。」
  1. 尚無回應.

  1. 尚無引用.