早前女神Angelababy高調去到整形醫院做鑑定，最後證實佢並無做過臉部整形手術，困擾多年嘅整容傳聞終於告一段落！不過都係嗰句，唔係個個都好似Baby咁大方公開任驗。繼早前嘅《十大整形女神》，新地網依家為大家送上男版嘅《八大變形金剛》，睇吓有邊啲男星識得好似柯柏文咁變變變！

戒水戒油大變身 沈震軒

型男沈震軒出道時寂寂無名，後來被Paco睇中，之後一直平步青雲，仲愈來愈型仔！相比初出道時，沈震軒眼皮變深，放電冇難度之餘，連至hit臥蠶都有埋。而鼻樑亦變得又高又窄，同塊V面襯到不得了，比多年前出道時更似古天樂。對此沈震軒就話︰「我其實天生係雙眼皮，不過係內雙眼皮所以唔明顯，依家都係多用膠紙加深效果。」至於面形上嘅改變，佢就話︰「以前拍劇時成日食宵夜，食飽就瞓，所以面容腫脹。不過依家臨瞓前兩個鐘戒油戒水戒鹹，將從小嘅習慣改變咗。」

襯晒楊怡 羅仲謙

謙謙初出道時輪廓已算突出，不過隨着人氣一直升，五官都愈來愈靚喎！首先天生嘅pizza面唔見咗，變成瘦削V臉。鼻翼由闊變窄，鼻樑顯得更堅挺，同女友楊怡個鬼婆鼻好匹配。加上依家成對眼勁有神，望耐一陣都俾佢電親！謙謙就話︰「我入行都已經有一段日子，樣唔同咗都係好平常嘅事。」不過佢就重申唔介意人哋整容，因為只係一種愛美嘅表現。

跑步瘦面 胡鴻鈞

歌手胡鴻鈞2010年於《超級巨聲2》奪得亞軍入行，向來賣歌喉唔賣樣嘅佢歌藝有冇進步就唔知，不過個樣就肯定唔同晒！由2010年嘅 1.0方形面，進化到今時今日嘅V煞面 6.0，被網民戲稱「削骨還父」，同哪吒一樣咁孝順！

其實對於削面傳聞，佢曾經話︰「其實係跑步嘅成果，運動同節食雙管齊下，所以形象有所改變」。佢仲強調屋企人管得好嚴，根本唔可能整，否則會「俾阿媽斬死」。其實不久前胡鴻鈞先喺星星負皮卷再次否認整形 ，佢強調話︰「我都好想認但因為冇做過，真係有嘅就唔怕同大家講。」，之後仲自嘲已經進化到7.0！

神奇刀削面 鄭嘉穎

年輕時嘅鄭嘉穎包包面，甚具福相。不過自從喺台灣返嚟香港後就神奇地發展為「刀削面」，下巴尖一尖，而面部肌膚無鬆弛之餘仲愈來愈緊緻。對此嘉穎話自己後生嘅時候baby fat未除，仲出動證人︰「好在有同年出道嘅馬浚偉做證人，我嗰時喺台灣有錢都用晒去食飯同交租。」證明佢真係冇執過。咁即係嘉穎自己回春有術啦，難怪至索港姐陳凱琳都俾佢迷倒！

原來是美男  黃曉明

如果睇返海綿大哥以前啲相，佢嘅相貌可以話係十分平凡。眼細細，鼻子圓圓扁平，唔覺有咩星味。不過同唔少男星一樣，黃曉明嘅樣貌都係隨住人氣上升而改變。依家嘅佢眼睛大咗精靈咗，下巴尖晒，再加埋筆挺嘅鼻樑，簡直係男神嘅模範！最勁係連女神Angelababy都嫁埋俾佢，真係冇得輸！

對於樣貌上嘅改變，黃曉明就話聽到好難過︰「因為大家都只喜歡八卦新聞而非事實。」佢透露自己有段時間激減磅︰「我曾經重155斤，现在只有130斤左右。」，所以成個人都唔同咗，一切都是「減肥惹的禍」。嘩講到好勉強咁喎，不如變返以前咁好冇？

十年前後 劉愷威

雖然有個星級爸爸劉丹，不過劉愷威喺香港嘅演藝事業並唔順利，多年來喺TVB都係演閒角居多。於是佢05年轉戰內地，10年後嘅今日已經喺內地紅透半邊天，躋身一線小生行列，仲娶埋個索老婆楊冪。不過唔少觀眾就話冇見一排幾乎唔認得劉愷威，因為依家嘅佢雙眼變得炯炯有神，鼻變得挺拔有型，由當年帶點呆嘅薯樣進化成男神。雖然近年大家都對佢嘅外貌議論紛紛，但劉愷威都只係話︰「總之沒加過東西，也沒拿走過東西，沒開過刀，就是這樣。」既無承認亦無否認，一切交由大家自行判斷。

翻版炎亞綸 汪東城

台灣男藝人汪東城以組合「飛輪海」成員身份出道，初出道時嘅佢面形腫脹，不過依家下巴尖一尖，成塊面縮細咗咁。大細眼變電眼，扁平鼻子變得愈來愈高，愈來愈似以前嘅炎亞綸…點解係以前？因為依家嘅炎亞綸都已經去到另一個層次，直頭係韓國人一樣。大東就話︰「以前有水腫和baby fat，不過之後勤於健身，所以不單身材變fit，五官都變得立體。」就連佢所屬公司都曾經話大東只係受惠於現時精進嘅化妝技術，所以比以前上鏡。明白晒！

無敵黐膠紙 羅志祥

有亞洲舞王之稱嘅「小豬」羅志祥，出道時係單眼皮，不過近年雙眼皮愈見明顯，依家嘅佢簡直係擁有一對迷人電眼，仲有下巴都尖咗唔少。小豬就話︰「我都是用貼的」，原來係用咗雙眼皮膠紙嘅效果，呢幾年來係咁黐係咁黐，久而久之都變成雙眼皮。佢成日話自己工作太忙，邊有時間整，仲曾經表示話︰「我不想跨出那一步(指整容)，做了便不能笑別人。」所以真係唔可以睇少雙眼皮膠紙嘅威力！

一向走優雅大方style的中國第一夫人彭麗媛，昨晚在倫敦金融城出席晚宴時，被拍到臉上有「一撻撻」的白粉，旋即引來各地媒體熱烈報道。有台灣專家接受媒體訪問時直言：「化妝師應該要被開除。」

中央社引述苗栗育達科大時尚造型設計系教授兼副校長黃宜純表示，市面上很流行含矽粉（Silica powder）的珠光彩妝品，但珠光有分室內、室外，如果使用不對的碎粉或上得過多、不夠均勻，再被閃光燈一照，就可能會有這樣的「白臉照」出現。

她笑說，彭麗媛的「化妝師應該要被開除」，在重大場合讓第一夫人丟臉，像照片中的口紅沾到牙齒也很不應該，一般至少要用口紅筆上妝，再用碎粉定妝，講究點還會用面紙沾抿嘴唇後，再上一層口紅避免脫落。黃宜純指出，就算使用進口的高級化妝品，化妝師個人的專業技術還是有加強的空間，這些都是台灣美容執照考試的基本要求，不應該出錯。

對於有網友疑惑為何沒有人提醒她？一位在大學任職的教授說，正常光線下妝容沒問題，都很完美，因為攝影師的閃光燈拍出來才會有反光效果，彭麗媛應該也是看到照片才會「大驚失色」。

被斬傷三名印度男子分別廿三歲、廿七歲及卅一歲，早前來港後，以酷刑聲請獲發「行街紙」留港，居於深水埗區。昨晚六時許，三人到油麻地訪友後，步落港鐵佐敦站擬乘車返家，在月台等列車之際，突有九名同鄉大漢撲至，其中三人取出利刀，當中一刀長約一呎半，不由分說向各人狂斬，他們徒手抵擋，結果同告中刀，分別頭、手、胸部受傷。由於正值繁忙時間，月台上擠滿乘客，目睹廝殺場面，嚇得驚叫，同時急忙走避，情況混亂。

一傷者手臉被削甩皮肉

目擊者稱，斬人過程約卅秒，一名傷者面部及左手臂被削甩皮肉，逞兇大漢由樓梯登上大堂逃走，港鐵職員不敢阻止，用對講機通知控制中心，及後職員手持急救藥箱趕至，並有熱心乘客為傷者急救，月台上滿地血漬，異常恐怖。

大批警員手持盾牌趕至，發現三名傷者，兇徒已逃去，重傷男子先由救護員送院，另兩人留下協助調查，據稱他們與兇徒相識，事後數名友人接獲通知到場了解。姓莫乘客表示，案發時，月台人來人往，對兇徒竟敢在港鐵站內行兇，感到愕然。

醫學界立法會議員郭家麒於facebook上透露於案發後剛途經佐敦站，曾協助急救傷者。他接受訪問表示，作為醫生是義不容辭，雖然無消毒藥水，幸好港鐵職員拿來急救箱，並有一名瑪嘉烈醫院休班女護士協助為傷者止血。他又指其中一傷者頭部有兩處傷口，整塊肉「反晒出來」，另一個手部有兩道深可見骨傷口，「見傷者傷得咁重，一定要幫手」。

港鐵發言人表示，事發時，車站職員在月台發現一班南亞裔男子於扶手電梯附近，曾勸喻他們離開，以免阻礙通道，未幾發現有人被襲擊受傷，通知車務控制中心報警，有急救資格的職員亦為傷者包紮。