hoka one one

Posts Tagged ‘ 港姐

霍詠盈化身女護士 胡智略變身男管家

萬聖節玩變身!
已故名人霍英東嘅孫女霍詠盈(Caroline)早前被爆與前港姐吳婉芳大仔胡智略(Caspar)秘密發展姊弟戀,不過二人愛得低調,甚少喺網上甫出兩個同框合照。呢日Caroline喺網上晒出二人cosplay造型照,大方放閃,相信係日前萬聖節派對相,見Caroline化身「白衣天使」着上護士服兼戴咗護士帽,而Caspar則着上白恤衫黑背心,似乎係扮演男管家,兩個塊面仲塗上濺血嘅妝容添。而佢哋亦玩緊誰是兇手嘅遊戲,當中枱面放滿咗搵兇手嘅線索道具,佢哋仲準備咗墳場造型嘅曲奇,真係認真!

2018香港小姐競選「仙氣紅姑」Q陳曉華最得觀眾及評審喜愛奪冠

經過一輪比賽,港姐三甲出爐,包括冠軍陳曉華、亞軍鄧卓殷(左)、季軍丁子田(右)。

經過一輪比賽,港姐三甲出爐,包括冠軍陳曉華、亞軍鄧卓殷(左)、季軍丁子田(右)。

昨晚在將軍澳電視城舉行的《2018香港小姐競選》決賽,最終由賽前大熱「仙氣紅姑」Q陳曉華最得觀眾及評審喜愛奪冠,T鄧卓殷憑精彩表現贏亞軍兼得「最上鏡小姐」,另一大熱G丁子田曾自信爆棚講明「冇諗過輸」,最終只得季軍。

20位佳麗於昨晚決賽施展渾身解數爭獎,賽果由觀眾透過big big fun投票加上港姐委員會及現場星級評判團選出三強,再百分百以big big fun觀眾投票結果選出冠亞季軍。

佳麗先進行才藝表演,不再如網上表演般玩急口令及扮鬼臉,紛紛晒舞技及樂器造詣,大部分都表現不俗,當中幾位佳麗比較突出,包括K李明芙露腰跳Zumba節奏感強勁、O陳苑澄跳絲帶舞,前手翻兼跳躍擘腿技驚四座,大熱陳曉華表演空中瑜伽、鄧卓殷露腰跳中國舞獲得朱千雪及蔡思貝讚賞,而L童銘欣比較特別玩畫畫,反轉畫作原來是沈殿霞肖像,大熱丁子田表演彈琴穩打穩紮,至於中日混血兒I工藤佑采拉小提琴則走音。

工藤佑采落選Hea跳

之後佳麗換上晚裝出場,大熱N何泳芍最「胸湧」,行路時效果激蕩,其後節目淘汰8人,「翻版金喜善」A蘭倚婷、音樂高材生「清純章子怡」F杜愛恩、工藤佑采及「翻版薛凱琪」S楊帆都被Foul,但八女出局後冇得「收工」,被安排三次跳舞間場,惟眾女明顯心情欠佳,杜愛恩及工藤佑采更黑面Hea跳。

何泳芍倒灶失望

餘下12位佳麗再進行泳裝問答環節,口才高下立見,口齒伶俐的鄧卓殷將「農夫」改名做「播種的機」,笑爆全場贏得不少分數!J李芷晴分析「藝術品」馮盈盈及麥明詩,笑言單身的明詩升值潛力較高,甚有急才!何泳芍、陳苑澄及P黃子桐對答得體,相反丁子田及陳曉華回答一般,李明芙更Hang機口啞啞,要靠司儀鄭裕玲解圍。

殺入五強包括賽前大熱丁子田、何泳芍及陳曉華,至於鄧卓殷及陳苑澄憑亮眼表現成功突圍!五女最後說出感性說話,哽咽眼濕濕,最終由陳曉華大熱勇奪冠軍,亞軍是鄧卓殷,她同時奪得「最上鏡小姐」,季軍則是丁子田,友誼小姐由H陳靜堯奪得。其後陳曉華不慎露出打底褲。

何泳芍最終三甲不入,直言有少少失望,但認為賽果正路:「三甲都係實至名歸,我哋都有揀佢哋呢幾個。(諗過點解落選?)覺得有少少緊張,問答環節同才藝表演都做得唔係咁好。」又坦言想在娛圈發展,但仍會繼續教潛水。

2018香港小姐競選得獎名單

冠軍:陳曉華

亞軍:鄧卓殷

季軍:丁子田

最上鏡小姐:鄧卓殷

友誼小姐:陳靜堯

冠軍陳曉華<br>年齡:23歲<br>三圍:33、23、33.5

查看相片

冠軍陳曉華
年齡:23歲
三圍:33、23、33.5
亞軍鄧卓殷<br>年齡:23歲<br>三圍:31.5、22、33

查看相片

亞軍鄧卓殷
年齡:23歲
三圍:31.5、22、33
季軍丁子田<br>年齡:24歲<br>三圍:33、24、34.5

查看相片

季軍丁子田
年齡:24歲
三圍:33、24、34.5
何泳芍大熱倒灶!

查看相片

何泳芍大熱倒灶!

2018年港姐冠軍正式誕生, 由17號陳曉華奪得!

亞軍20號鄧卓殷、季軍7號丁子田。

喺才藝表演環節,陳曉華表演空中瑜珈!

楊思琦39歲首出寫真 童顏+噴血身材冇得輸!

2001年港姐冠軍楊思琦出道多年,今年8月便會踏入40歲大關,而且已為人母,不過其身材keep得非常好,皮膚又白又滑,標緻童顏多年不變!為紀念「39+1」呢個重要時刻,及為自己留下美麗回憶,楊思琦今年推出首本個人寫真集《Miss Szeki 2018》,將最靚、最性感一面呈現大家眼前!|楊思琦39歲首出寫真

楊思琦 於2001年港姐競選中奪冠,入行多年拍攝過多部劇集,現為一女之母,不經不覺今年8月便踏入40歲!不過「39+1」又有咩好怕?楊思琦今年推出首本個人寫真集《Miss Szeki 2018》,佢早前赴馬來西亞五日四夜取景拍攝,換上差不多20套靚衫,當中不乏小背心、泳衣、睡衣等性感造型!

楊思琦
有冇啲想跟佢出門口?

楊思琦

楊思琦

楊思琦
側面睇一樣咁正!

楊思琦

楊思琦

|童顏依然 噴血身材依然

楊思琦多年樣貌身材都keep得非常好,34D、24、34身材噴血依然,出名童顏的思琦仲係成個後生女咁,實在令人羨慕!思琦回覆傳媒時表示以前一直想推出寫真,為青春留倩影,不過以前在TVB時未有機會。剛巧有出版社早前搵佢,所以就一拍即合!

|Sell美感 非賣弄性感

楊思琦又稱今次拍攝過程都頗為辛苦,因為要由朝曬到晚,幸好拍攝效果相當理想,攝影師將自己最靚、最自然的一面呈現出來。思琦同時強調寫真集唔係賣弄性感,而係以美感為主;另外亦有文字配合,跟讀者分享自己在不同階段的成長及內心世界。

楊思琦
楊思琦皮膚白滑到不得了!仲要跌埋膊…

|收益捐給慈善機構

楊思琦今次寫真集賣到幾多本唔係最重要,最主要係完成到一件自己多年來想做的事,而且寫真集扣除成本後的收益將會捐給慈善機構,可謂一舉兩得!

2018世界盃開波啦!識睇梗係要睇靚女主持|世界盃歷屆靚女主持回顧

2018世界盃將於本周四(6月14日)開鑼,今屆世界盃由Now同ViuTV播放,ViuTV更會安排19場免費直播,球迷喺睇波之餘,識睇梗係要睇埋靚女主持!

而為迎接世界盃,ViuTV推出節目《Good Night Show全民睇波派對》及《Good Night Show全民星戰 – 世界盃變「新」》,搵來杜汶澤孭飛做主持,暫時未知有咩靚女主持睇,不過多年來TVB同有線爭播世盃賽事,都有唔少索爆嘅主持小花,佢哋未必個個有專業球評水準,但學張國強話齋「有波、有分析」,真係有少少鍾意咗佢哋!

世界盃歷屆靚女主持回顧

高海寧

於南非遭誤傳失蹤,搞到網民恐慌,大家都非常擔心當地人會垂涎高海寧美色,好在只係虛驚一場。

世界盃

高Ling對「世界波」真係冇得輸!

世界盃

苟芸慧

四年前被派到巴西採訪世界盃,險遭智利球迷狼吻。

世界盃

李佳芯

在節目中潮玩Cosplay,化身足球護士,報道各隊傷兵情況,當年呢個角色由model出身嘅李佳芯演繹,真係fit晒!

世界盃

梁政珏

宣布封胸嘅梁政珏,去到南非同做《獎門人》都變成密實姑娘,令觀眾十分失落!

世界盃

黃婉曼

黃婉曼做節目最好睇嘅地方,就係成日畀班麻甩口水佬主持調戲。

世界盃

世界盃

孫慧雪

阿雪(孫慧雪)06年都做過「世界妹」,佢曾經指控林敏驄在無綫世界盃節目中對佢性騷擾:「佢話我個波污糟!」

世界盃

林芊妤

當年著住TVB 件密實波衫,差啲唔認得有「港版瑤瑤」之稱嘅Coffee,咁搞法叫人點樣《世界盃動起來》先?!

世界盃

世界盃

李綺雯

被問及球員應否在世界盃期間禁慾,李綺雯寸嘴話:「球員唔帶老婆、女友去,都未必禁到 。」哈,唔通係陳七話佢知嘅?!

世界盃

劉俐

對住貓紙都將球員名讀到甩甩咳咳,真係辜負咗「劉俐」呢個好名!

世界盃

關婉珊

《美女廚房》嘅「蜜瓜」關婉珊(依家改名叫「關宛珊」)都主持過《世界盃動起來》,但表現未見突出!

世界盃

黃瑩

06年港姐,點解咁好身材當年都落選?!鬼叫佢遇着擅打鬼影變幻球嘅冠軍陳茵媺咩!

世界盃

蔣怡

全靠嬌聲嗲氣取勝,唔止球迷受落,連其他男性嘉賓主持都讚。

世界盃

劉明軒

娛樂台靚女主播講埋波,專門八吓世盃嘅花邊新聞,就算唔係球迷都啱睇。

世界盃

潘杰寧

咪睇佢外表嬌滴滴,實情係個資深球迷,除咗世界盃之外仲主持過《體育王》同《足球達人》。

世界盃

2017香港小姐競選決賽 相集

今屆港姐曝光率及討論度都比往年低,相信唔少人連十位佳麗個樣同名都未必知。一年一度《2017香港小姐競選》噚晚喺電視城舉行,結果由5號雷莊兒成為雙料冠軍、亞軍及季軍由1號何依婷同埋4號黃瑋琦奪得。


麥明詩大爆自己有玩交友App,坦言:「我光明正大囉!」

麥明詩有樣有學歷,當然唔愁冇人追。參選港姐時被指「堅離地」的她,當選後頻頻在facebook發功抽水,靠敢言有腦形象吸Like。同林作甩拖後,她更大爆自己有玩交友App識男仔,果然好貼地。《e+娛樂》上周影到麥明詩與俊男於酒店High Tea,未知對方是否網友,不過其後麥明詩就指男方是財務顧問,而自己亦不怕玩交友App會被公司詐型,她坦言:「我覺得光明正大囉!」

▲Louisa相約官仔骨骨的俊男到中環High Tea,傾足一小時。 (《e+娛樂》圖片)© image/jpg ▲Louisa相約官仔骨骨的俊男到中環High Tea,傾足一小時。 (《e+娛樂》圖片)

麥明詩(Louisa)去年與林作分手,之後獲無綫力捧參與多套重頭劇,包括下周播映的《賭城群英會》。單身的她雖然不乏群下之臣,但之前就被爆透過交友App“Coffee Meets Bagel Free Dating App”識男仔,用自己相做頭像,亦如實填寫個人資料,好誠實喎!上周五《e+娛樂》影到素顏的Louisa與一名疑似網友的四眼俊男在中環四季酒店High Tea,兩人看似不太熟稔,卻全程雞啄唔斷,好啱嘴型。

事後記者問Louisa是否跟男網友約會,她表示:「約咗個投資顧問,因為覺得自己要投資,股票嗰方面我就冇認識喇,或者一啲基金嗰啲,佢信得過嘅,想睇吓會唔會有意見畀到我。」她指自己現時偶爾仍會用交友App,不過有時太忙冇回覆網友,話題就不了了之,所以至今仍未有對象。講到用真身玩交友App會否怕有危險,大膽的Louisa直言:「驚咩?唔通用人哋張相,咁咪即係詐騙?(怕唔怕公司鬧?)我覺得光明正大囉,哈哈……」

61歲牛一 趙雅芝願世界和平

※趙雅芝(中)獲老公「貼身」支持。

趙雅芝前晚於伊館演出慈善演唱會,獲老公黃錦燊、兒子黃愷傑帶同女友現身支持。昨日適逢是趙雅芝的61歲牛一,大會特地送上蛋糕為她預祝生辰,令其相當驚喜!趙雅芝表示會與家人食飯慶祝,生日願望是世界和平。問到會否想飲新抱茶?她說:「這是他們的人生大事,他們自有計劃和安排,我不會催。」

另外,趙雅芝表示有留意港姐蔡思貝涉嫌虛報學歷的新聞,但不便對此評論。當年參選學歷審查較嚴?她表示每屆港姐也有不同的學歷要求,不擔心事件會影響港姐形象。

蔡思貝極速學士

昨日有報道指2013年港姐亞軍蔡思貝涉虛假學歷,前年10月蔡思貝選完港姐後,透過國力書院報讀菲律賓比立勤國立大學的工商管理學士課程,據報道稱她在同年11月完成課程,12月獲頒證書,兩個月後就極速畢業,認真耐人尋味!不過蔡思貝面對相關傳聞,一概不答,只謂:「我要了解吓先!」
蔡思貝昨日與洪永城於將軍澳電視城,為劇集《味想天開》開工,蔡思貝對於學歷被質疑,她表示有留意報道,但未了解事件,被問到2013年後有否報讀課程,是否極速畢業,蔡思貝一直避談,並多次指要了解清楚件事先回應。至於會否擔心影響工作?她說:「一直都好努力工作,都會繼續努力。」 另外,有報道又指李蘊原來亦是蔡思貝師姊,與對方報讀同一樣課程,李蘊向傳媒承認當年是由經理人幫自己申請報讀,她指讀了年幾,有返學上堂但不勤力讀書,所以未有畢業。對於有傳蔡思貝於兩個月內極速畢業,她笑言:「係咩?如果係咁我應該畢咗業。唔知喎!唔知係咪依家轉咗模式。」
對於蔡思貝被指兩個月內極速完成課程一事,本報向無綫企業傳訊部副總監曾醒明求證,他表示無綫方面已翻查了2013年香港小姐競選期間,蔡思貝參選時所呈交的證明文件,顯示她於德國一間大學完成了一年級的課程,呈交的資料文件亦與當時無綫發放的相同,而當時大會對外公布她是學生身份,大學程度,至於蔡思貝涉虛假學歷,會否影響她的港姐資格,曾醒明表示蔡思貝13年已履行所有港姐使命,學歷問題無綫會向當事人再作了解。

牛雜妹首次演出即拍床戲

片中牛雜妹的身形明顯比面試《港姐》時纖瘦。

參選應屆《港姐》但未能入圍的李美琪(牛雜妹),早前與張建聲(Justin)為余迪偉新書拍攝微電影《紙說愛》,首次演出今日於網上發布,片中牛雜妹毫不錫身,與Justin更有一場親密床戲。 牛雜妹表示,首次拍戲十分緊張,並說︰「我初次拍電影一定緊張,拍到親熱戲分時我好怕醜,不過導演、工作人員同Justin都好照顧我,所以拍攝過程相對容易投入同放鬆,比較困難嘅我覺得係拍喊戲,要長時間保持情緒,真是唔容易。」