麥明詩大爆自己有玩交友App,坦言：「我光明正大囉！」
麥明詩有樣有學歷，當然唔愁冇人追。參選港姐時被指「堅離地」的她，當選後頻頻在facebook發功抽水，靠敢言有腦形象吸Like。同林作甩拖後，她更大爆自己有玩交友App識男仔，果然好貼地。《e+娛樂》上周影到麥明詩與俊男於酒店High Tea，未知對方是否網友，不過其後麥明詩就指男方是財務顧問，而自己亦不怕玩交友App會被公司詐型，她坦言：「我覺得光明正大囉！」
![▲Louisa相約官仔骨骨的俊男到中環High Tea，傾足一小時。 （《e+娛樂》圖片）]({"default":{"load":"default","w":"73","h":"42","src":"//img-s-msn-com.akamaized.net/tenant/amp/entityid/BBCJCRU.img?h=421&w=728&m=6&q=60&o=f&l=f"},"size3column":{"load":"default","w":"62","h":"36","src":"//img-s-msn-com.akamaized.net/tenant/amp/entityid/BBCJCRU.img?h=361&w=624&m=6&q=60&o=f&l=f"},"size2column":{"load":"default","w":"62","h":"36","src":"//img-s-msn-com.akamaized.net/tenant/amp/entityid/BBCJCRU.img?h=361&w=624&m=6&q=60&o=f&l=f"}})
麥明詩（Louisa）去年與林作分手，之後獲無綫力捧參與多套重頭劇，包括下周播映的《賭城群英會》。單身的她雖然不乏群下之臣，但之前就被爆透過交友App“Coffee Meets Bagel Free Dating App”識男仔，用自己相做頭像，亦如實填寫個人資料，好誠實喎！上周五《e+娛樂》影到素顏的Louisa與一名疑似網友的四眼俊男在中環四季酒店High Tea，兩人看似不太熟稔，卻全程雞啄唔斷，好啱嘴型。
事後記者問Louisa是否跟男網友約會，她表示：「約咗個投資顧問，因為覺得自己要投資，股票嗰方面我就冇認識喇，或者一啲基金嗰啲，佢信得過嘅，想睇吓會唔會有意見畀到我。」她指自己現時偶爾仍會用交友App，不過有時太忙冇回覆網友，話題就不了了之，所以至今仍未有對象。講到用真身玩交友App會否怕有危險，大膽的Louisa直言：「驚咩？唔通用人哋張相，咁咪即係詐騙？（怕唔怕公司鬧？）我覺得光明正大囉，哈哈……」
《第二十七屆ATV 2015亞洲小姐競選》前日在深圳舉行海選面試，有「巨版肥苟」之稱的27號祝旭冉，當日雖然驚現巨腩肥腿，但勝在外形甜美、對答大方而成為焦點！她受訪時自言拿過選美冠軍，又稱以前只有約100磅！原來祝旭冉的確在2012年參選第三屆湖北小姐，當時身材的確索爆，報稱身高1米72、體重55kg（約121磅）、三圍37、26、37，相比前日體重達152磅，實在差天共地！祝旭冉雖然要收身，但依然不收口，面試前密密食，又韓燒又串燒，面試後又High Tea，難怪短短3年間暴脹逾30磅！