hoka one one

Posts Tagged ‘ 兄妹

馬國明默默守候等時機 契兄妹曖昧十年 莫非「突破戀人未滿」

馬國明與唐詩詠向來都被外界視為金童玉女,之不過他們卻雙雙以契兄妹保持關係,其實,馬明很早就被指是單戀唐詩詠,但可惜襄王有夢,神女無心,馬明就以契哥身份默默守候十年,但近多個月來他們無懼肺炎密密見,仲親密到一部車兩份揸,莫非「突破戀人未滿」的時機終於都來臨了嗎!

馬國明默默守候等時機 契兄妹曖昧十年

早於09年合作拍無綫 劇集《鐵馬尋橋》,馬明與唐詩詠已經互生好感,無論外形、性格二人都相襯,有指當時神女無心、襄王有夢,奈何當時女方有另一半,因此以契兄妹相稱,據知情者透露:「馬明係絕世好男人全世界都知,佢做到咁出面,又成日公開讚Natalie(唐詩詠)係好女仔,係人都知道佢鍾意女方,不過嗰時Natalie對花心崔建邦死心塌地,冇考慮過馬明,馬明依然對佢好好,Natalie咪當多個兵囉!何樂而不為?其實馬明一直冇放棄過,每次Natalie受情傷,佢都喺身邊默默支持,前年終於等到佢同洪永城分手,不過當時馬明同姣心穎一齊緊,總之佢哋就永遠都唔啱timing啦!到去年4月姣心穎被踢爆偷食,Natalie又同陳思銘發展緊,不過Natalie死都唔肯認愛,大家都估佢對呢段感情信心唔大,所以留番條後路畀自己。」

馬國明
唐詩詠與馬國明09年拍攝劇集《鐵馬尋橋》開始相熟及互有好感,不過戀人未滿,因此以契兄妹相稱。早前馬明封視帝,唐詩詠負責頒獎,看她在台上摸住馬明塊面,情難自禁咁款。

馬國明

馬國明
唐詩詠與相識逾十年的馬明已達非常了解的程度,去年在劇集《白色強人》中首次演夫妻,暗地裡已撻著愛火花,一個眼神一個動作,都充分表現出二人關係。

契兄妹密密見 感情發展一日千里

今時唔同往日,唐詩詠早已封視后,早前馬明亦憑《白色強人》封視帝,二人門當戶對,唐詩詠同陳思銘拍拖唔肯認,心急嫁人,對方卻未 玩夠未定性,一次又一次遇到不對的人,38歲的她回頭一望,還是覺得 馬明待她至真至誠。馬明分手十個月,她與馬明走在一起亦合情合理,而且肯定會獲得全世界的祝福。據知馬明狀態愈戰愈勇,甩拖後成為無綫超級筍盤,唐詩詠對她的態度亦變得主動熱情,契兄妹密密見,感情發展一日千里。

馬國明
唐詩詠日前在 IG 上載一張與黃翠如同穿上紅色衫的合照並留言:「呢個時候會出嚟食飯,一定係生死之交。」但原來生死之交不止一人,即被網民踢爆當晚她們在九龍城為馬明慶生,是四人飯局,黃翠如與蕭正楠加唐詩詠與馬明,兩 pair 人呢!
馬國明
馬明本月13日46歲生日,有唐詩詠陪住過,一定甜入心。
馬國明
早前被記者斷正,二人一身運動打扮外出後,由唐詩詠負責揸住馬明架Benz 返回自己位於清水灣半島的香閨,關係親密到一架車兩份揸。
馬國明
另一日下午3 時半,唐詩詠戴住口罩落樓,跳 上一早在樓下等待的馬明車。