十月初五的月光｜「汪海琳」汪琳與「萬沛堅」鄧浩光合體掀回憶殺 網民大讚保養得宜
TVB台慶劇《十月初五的月光》正在熱播中，新版以全新陣容亮相，初哥哥同君好分別由胡鴻鈞同何依婷接手，觀眾對呢個新版本嘅反應兩極，有人認為新版演員陣容新鮮，亦有人認為新不如舊，寧願同時段重播2000年舊版。當年《十月初五的月光》播出時大受歡迎，nike outlet除咗「君好」佘詩曼及「初哥哥」張智霖爆紅之外，劇中唔少演員都備受關注，人氣急升。噚日（12日）「汪海琳」汪琳喺社交網站上載與昔日拍檔「萬沛堅」鄧浩光合照，回憶即時返晒嚟呀！
汪琳喺社交網站上載與鄧浩光合照並留言話：「眨吓眼……21 年冇見！ #乜咁啱 #時間過得好快 #好耐冇見」雖然已經過咗咁多年，不過二人都keep得非常好，汪琳產後淡出娛樂圈，擁有幸福家庭，而家已經係兩孩之母，不過外貌及身形冇走樣，而鄧浩光雖然佢已經「登六」，不過身形都係弗到爆，難怪網民都話佢哋保養得非常之好，留言話：「汪琳依然那麼漂亮」及「你地保養得很好」等等。
舊版《十月初五的月光》中，「燉奶妹」汪海琳與世光長子萬沛堅相戀，keen shoes不過得唔到男方父母嘅接受，莎華（陳曼娜飾）更假扮允許二人結婚，去到結婚當日偷龍轉鳳，迫阿仔與富家女黎曼玲（姚啟善飾）結婚，其後海琳發現懷有沛堅骨肉，不過後來沛堅因車禍離世。而2021年嘅版本，就搵嚟林穎彤及伍富橋飾演，唔知之後嘅劇情會唔會好似舊版咁淒慘呢？
