張秀文三點式大晒身材
無綫最新遊戲節目《超強選擇1分鐘》搵咗森美、錢嘉樂同組合草蜢一班麻甩佬做主持，由星期一首播死server，去到噚晚嘅嘉賓陣容都係網上熱門討論話題。
噚日嗰集問咗兩條問題，第二條就搵咗三位樣靚身材正嘅樂瞳、松岡李那同張秀文玩滑水梯競賽，要觀眾估結果。
三位嘉賓當中就只有張秀文有著三點式，佢嘅賣點係咩，唔駛多講。而佢跣落滑梯嘅時候仲要烏低身，身材更加洶湧澎湃，一定令到唔少宅男為之瘋狂。最後張秀文又贏身材又贏遊戲，今次終於有機會做主角。可惜佢唔係固定班底，如果唔係呢個節目應該每日都會玩水上活動，收視就唔需要擔心。
夾！
再夾！仲贏埋遊戲，真係冇得輸。
2010年港姐亞軍嘅張秀文一向都出名身材好，喺TVB唔算被力捧，但係每次一出新聞，焦點都一定離唔開佢身材（今次都係）。例如，佢之前同苟芸慧、陳貝兒一齊去巴西主持世界盃時，差啲俾當地瘋狂球迷伸出「龍爪手」胸襲，幸得高鈞賢出手阻止先至冇事。連見慣好身材嘅外國人見到張秀文都忍唔住，可見佢嘅威力究竟有幾大！
