從溝渠走到荊棘海 泳兒難關重重 爆喊發洩
出道多年的泳兒經歷過人生最大的「荊棘」，一度捱不住而崩潰，幸好最後靠信念及身邊人，令她度過難關，變得更強大！擔任「聲夢」導師的她笑言期間講了一輩子要說的話，更點名大讚Archie及Yumi！
英皇歌手泳兒（Vincy）推出最新「海洋」clarks shoes uk系列的第一部曲《荊棘海》，與之前的「溝渠」系列有關聯，她說：「溝渠自己一個人，但始終都要行出大海，人生大大小小事情係荊棘，可能係傷痛、辛苦，但亦可以令人更堅強。」她指人生總要面對不同荊棘，她坦言：「屋企人唔舒服都係我人生一個大難關，呢個荊棘都牽連好多其他荊棘。」她當年就因此搞到失聲，影響事業。
她表示最後憑住信念，一步一步尋找解決方法及靠身邊朋友幫手，心態上亦要變得堅強，才能卸下重擔，但亦試過捱不住而崩潰爆喊：「發洩吓就冇乜嘢。（男友一直支持你？）佢都係嘅，有個人喺身邊依靠吓，就算實際上佢唔係醫生幫唔到，但情緒上佢都係好嘅傾訴對象。」
欣賞Yumi Archie
講到之前擔任無綫節目《聲夢傳奇》的導師，Vincy笑言最大的體會是講了一世的說話：brooks shoes「因為一定要講，唔係點教佢哋？同埋我真係會做功課，收到佢哋要唱咩歌，自己會寫低notes，而且當我同人分享時，我都可以吸收番佢哋啲嘢。」她又大讚一眾學員很厲害，問到睇好誰？她笑言會私心的讚教過的學生：「Archie（冼靖峰）幾有heart，Yumi（鍾柔美）就學嘢好快。」她亦讚賞並非其學員的炎明熹很有潛質。她開心現時樂壇百花齊放，希望有機會與幾位導師再合作。
