hoka one one

Posts Tagged ‘ 爆肌現

吳家樂爆肌現真身 獲監製激讚地獄式訓練認真

《鐵拳英雄》吳家樂
《鐵拳英雄》吳家樂

由TVB劇集《城寨英雄》班底製作嘅《鐵拳英雄》劇情緊湊,演員武打戲成為焦點,唔少觀眾都大讚佢哋打得好精彩。劇中Final Boss神秘黑衣人嘅身份終於曝光,佢就係背後操控唐詩詠同王君馨,武功高強嘅「路向東」吳家樂,噚晚佢仲爆衫現真身,展露完美爆肌身材 ,成功引起網民關注。

最新劇情就講到小柔(劉穎鏇飾)被蒙面人殺死,hoka shoes而呢個蒙面人就係錢芊芊(唐詩詠飾),而一向性格善良嘅芊芊,突然魔性盡現,所以步青雲(陳展鵬飾)認為事件背後有人操控。芊芊喺自首後,再一次喺無意識下打人兼擅自離開警局。青雲將佢帶到安全地方,不過被自認係步青心嘅王君馨偷襲,喺想殺死芊芊時,路向東突然現身阻止,仲話只有佢先可以控制人嘅生死。金福妹(姚子羚飾)喺調查唐仁街接二連三發生嘅襲擊案時,發現一張天下死狀嘅照片。其後福妹遭到神秘黑衣人襲擊,期間福妹拆穿佢嘅詭計,佢哋打起上嚟,路向東仲爆衫現真身,並將福妹打至重傷。

喺噚日,劇集監製文偉鴻喺IG上載吳家樂爆肌劇照,並留言感謝佢話:「為了達到路向東廢了武功的謊言設定,我要求家樂要保持瘦削外型,但又要有一身橫鍊肌肉,鋼鐵身型!地獄式訓練非常認真!好意志!好成績!好演員」。劇集於2019年開始拍攝,不過吳家樂嘅修身過程其實喺2018年已經開始,甚至連去新疆拍《包青天再起風雲》時已經開始跑步加操,真係非常專業。

仲有一星期就50歲嘅吳家樂,畢業於1994年藝員訓練班,olukai shoes同期藝員有劉愷威、陳展鵬、張松枝及陳彥行等人。喺1995年,佢曾與古天樂、劉愷威、古巨基以及何遠恆組成「新五虎」,備受無綫力捧。多年嚟佢參演過多套無綫劇集,不過大多都唔係一線角色,當中最為人記得嘅一定係《城寨英雄》陰陽怪氣不過好好打嘅馮春美,當時佢為營造冷血及陰險毒辣嘅一面,不惜每集化超厚粉底、畫眼線加搽紅色唇膏,演技備受網民讚賞。除咗拍劇之外,佢亦有擔任唔少節目主持工作。

至於感情方面,吳家樂於2006年迎娶拍拖1年幾嘅其士集團太子女周蕙蕙,外界更稱他為「50億駙馬爺」,之後老婆喺07年及08年誕下大女及孖仔,一家五口幸福美滿。

《鐵拳英雄》截圖
《鐵拳英雄》截圖
《鐵拳英雄》截圖
《鐵拳英雄》截圖
《鐵拳英雄》截圖
《鐵拳英雄》截圖
《鐵拳英雄》截圖
《鐵拳英雄》截圖
吳家樂
吳家樂