封「百萬歌手」催眠「神徒」 Anson Lo另有所圖 賣甩自己友
「教主」Anson Lo每次出MV都以光速破百萬點擊，因而被封「百萬歌手」！其新歌《Megahit》MV邀請多名「外援」撐場，卻不見「自己友」MIRROR隊員，全因他貪新鮮，望從中擦出新火花。
人氣男團MIRROR其中3名hey dude成員Anson Lo、Jeremy及Stanley，昨日快閃現身旺角出席活動，為答謝近千名「鏡粉」捱夜排隊支持，他們去到不同的打卡點親近Fans，Jeremy坦言見到Fans很開心，但同時心痛他們排通宵，叮囑他們要注意安全。
讚嘉賓超Sweet
Anson Lo近日推出新歌《Megahit》成績驕人，MV推出短短兩日已破百萬點擊，更成功將「神徒」（Fans暱稱）洗腦，活動期間不停唱副歌應援，令Anson Lo不禁爆笑。一直堅持造跳唱歌的他，直言曾擔心新歌的跳唱風格Fans是否受落，幸好大家都給予好評。
提到MV有不少圈中好友客串，包括鄭欣宜、ERROR成員阿Dee及網紅麗英等，卻未見MIRROR隊友「幫拖」？他直言是想帶來驚喜︰dr martens boots「今次想要一個完全未見過嘅畫面，所以先搵啲以前未合作過嘅，拍之前設計好角色同劇情，然後搵適合嘅嘉賓演出，真係超級感激佢哋！要夾齊大家嘅時間好難，佢哋好幫手，真係覺得好Sweet，希望大家幫我同佢哋講聲多謝！」
另外，MIRROR前晚為馬來西亞娛樂集團Astro成立25周年的線上演唱會擔任嘉賓，人氣王姜濤企正中間，相當搶眼，而韓國代表有金鐘國及韓團防彈少年團（BTS）的師弟組合TXT。
