為即將舉行的勁歌總選造勢,5位港姐翻唱胡鴻鈞主唱的《降魔的》主題曲《到此一遊》,扮韓國女團拍MV。當中以低胸出陣晒深溝兼露背的黃心穎最性感,並在手臂畫上暫時性紋身扮野性,攬實赤裸上身的林師傑。另外,蔡思貝穿超短迷你裙晒長腿,條裙短到快走光。相反另外3位較為遜色,馮盈盈雖有Deep V裝,不過沒甚睇頭。張寶兒都是坐定定拍大頭鏡頭,服裝又密實,最搶鏡就是玩蛇一幕。於台慶著「中門大開」晚裝的邵珮詩今次遮到實一實,短裙Look更顯腳粗,完全被其他4位比下去。其實鋪排都算有心思,不過將歌曲改編成性感跳唱舞曲,又似乎有點夾硬。

觀眾看後有讚有彈,蔡思貝的表現獲得網民盛讚,「無諗過個MV覺得最靚竟然係蔡思貝 個妝好襯佢」、「不談歌喉,整體尤其跳舞得達哥黃心穎係得真係跳嘅」、「蔡思貝有驚喜」。不過亦都有網民批評MV設計格格不入,「非punk非Gothic 著住件黑皮撞晒個白色教堂, Planet Terror情節但撞晒佢件窩釘心心皮樓,飲完咖啡抹完嘴又吾(唔)知點解轉衫」。