余香凝陀B女晒孕照放閃
【星島日報報道】余香凝為老公陸政渡（Tim）懷上第一胎，趁昨日兒童節終於開估腹中BB的性別，宣布是B女，並上載和老公一起影的孕照，雖然性感欠奉，但見到Tim輕吻Jennifer的額頭，兩人將手放在孕肚上，非常溫馨，Jennifer留言：「It’s a GIRL!!!好多人都好叻呀！估到係女仔，原來女仔 肚真係會特別圓。老公，以後有今世情人同前世情人一齊愛錫你，你就幸福啦！人地話生女多數都會黐住爸爸，希望到時都會黐下我啦！」B女未出世就擔心她只會黐住爸爸，睇 日後兩公婆定會為愛女「呷醋」
