Marf偷閒抖抖 為最終戰攞靈感
忙備戰《全民造星IV》總決賽的大熱「人氣王」邱彥筒（Marf），未出道已開始吸金！她與剛拍畢ViuTV青春劇《i.SWIM》的王智騫（Martin）為商場的聖誕主題裝飾宣傳，在木製聖誕樹前打卡，盡顯童真一面，Marf說：「自從參加比賽，除咗長時間練習外，仲要面對極大壓力。今日嚟影吓相，令我放下所有壓力，好好享受聖誕氣氛，同埋帶畀我重大靈感，嘗試加入唔同元素喺總決賽，為觀眾帶來更多驚喜！」
至於Martin透露為劇集花了逾2個月苦練6舊腹肌：「過去3個月，我喺飲食方面非常克制，好彩喺聖誕前煞科，可以約朋友盡情慶祝。（約拍檔Edan同魏浚笙出嚟玩？）佢哋好忙，未必有機會約齊人，但我會為大家準備聖誕禮物。」
