hoka one one

Posts Tagged ‘ 馬德鐘

陳瀅包毛巾被「侵犯」嬲爆要報警

陳瀅憶述當日被人狂影的情況,依然深深不忿。
陳瀅憶述當日被人狂影的情況,依然深深不忿。

陳瀅主演的新劇,前晚播出她包毛巾的一場戲,她自爆拍攝時遇上「怪叔叔」狂影相,覺得受到侵犯,幾乎要報警求助。

馬德鐘(Joe)、陳瀅、楊卓娜等昨日在將軍澳電視城宣傳新劇《伙記辦大事》,主角歐陽震華則因病缺席。陳瀅悉心打扮,領口位綁上蝴蝶結,心口刻意「漏罅」,若隱若現倍添性感。她自爆前晚出街包毛巾色誘查案的戲份,拍攝時遇上「怪叔叔」被狂影相,她說:「有個叔叔又高炒、又低炒狂影相,初時以為係工作人員,後來先知係場地負責人,擾攘一段時間佢都唔肯delete啲相,作為女仔覺得好侵犯。後來我再要求佢delete,佢都幾唔合作,差啲要報警,最尾都應該delete咗。」

陳瀅埋怨當日冇份拍攝的馬德鐘不在場,她笑說:「如果你喺度就會保護我,當日都嬲嬲哋冇人出聲,你喺度見人蝦我就一定會出聲。」Joe笑說:「我係正義嘅朋友。」陳瀅首次拍攝被姦戲,笑謂相當享受,她說:「因為係鄭子誠先咁享受,佢聲線好溫柔,溫柔到有啲詞語都講唔出口,要馬德鐘教佢。」

馬德鐘精神分裂

Joe近日忙於拍攝新劇《雙生陌生人》,一人分飾兩個角色,他說:「拍到有啲精神分裂,不過,都開心有機會做呢啲角色,係疊住宣傳會攰啲。」陳瀅則為另一古裝喜劇《痞子殿下》開工,被監製勒令減肥10磅:「減咗6磅半,仲差3磅半啫,keep住開工就好快瘦。」Joe則笑說:「我就相反,開工因為好攰會食多咗嘢,不自覺愈拍愈越肥。」

缺席的歐陽震華,只好在照片中尋找。
缺席的歐陽震華,只好在照片中尋找。

性感尤物盤點「晶女郎」令人想入非非

位位都咁索!
要數港產性感尤物,怎少得歷代「晶女郎」?她們各具美態,性感得不可方物,是港人美麗的集體回憶!
90年代 邱淑貞
主演超過50部電影的邱淑貞是「晶女郎」中最成功的一位,在電影《赤裸羔羊》及《香港奇案之強姦》中的超性感演出成為佳話,金曲《赤裸我思緒》歌詞「交出你的,張開我的」,更令人想入非非。
千禧年代 朱茵
在電影《強姦2之制服誘惑》中險被演色魔的馬德鐘侵犯,身穿童軍服的她被對方舔臉的一幕,堪稱經典!
2006年 陳煒
亞姐出身的陳煒,近年憑《深宮計》成為無綫當家花旦,當年一度被王晶睇中做「晶女郎」,令人難忘的莫過於在電影《提防老千》與王晶在浴缸纏綿,盡展惹火招數!
2014年 文凱玲
憑33D胸器成為王晶愛將,2014年在電影《唐伯虎之衝上雲霄》中全裸出浴,之後在三級電影《鴨王2》中與何浩文多場埋身肉搏,吸睛度爆燈!

賤男 數臭8大負心漢

cheapman1A

其實娛圈又點止周永恒、陳山聰、陳浩民等十位賤男,所以《新地網》再嚟賤男系列第2擊,同大家睇吓仲有邊8位賤到無倫嘅負心漢,準備定雞蛋掟佢哋喇!

 

借肥姐過橋 鄭少秋

201109201742261757367504200807182128311531680860a

{"IPTC-DATA":"NMG","data":{"photoID":2075064}}

當年肥姐沈殿霞介紹鄭少秋拍電影,事業上確實幫秋官唔少,兩人同居十年後結婚。到1987年欣宜出世,兩人卻戲劇性地於一年後離婚。有傳言稱,沈殿霞懷孕期間鄭少秋已經搭上官晶華,因此佢一直被指係負心漢!而肥姐於2008年同癌魔搏鬥,留院期間,身為前夫嘅鄭少秋鮮有探望,連喪禮都缺席,遭指摘無情!於肥姐追思會上,視肥姐如妹嘅鄧光榮,怒轟秋官未盡父親責任,批評佢點解於肥姐離世前後都冇現身,又唔理欣宜感受,命令佢上台解釋,令追思會驟變家事法庭,氣氛尷尬。

小三小四輪住玩 陶喆

{"IPTC-DATA":"NMG","data":{"photoID":2300546}}

 

陶(吉吉)(右)、江佩蓉(左)婚宴。(記者趙世勳攝)

「地上最強小三」楊子晴

 

陳心瑩

大波舊相好陳心瑩

 

台灣音樂才子陶喆今年年中被爆出軌,偷嗒「地上最強小三」楊子晴,陶喆求台灣正印江佩蓉原諒,以為佢會改過自新,點知又被揭帶爆乳女返家斷正,原來小四係26歲、曾露兩點演出情慾片《3D肉蒲團之極樂寶鑑》嘅34E台灣奀星陳心瑩,陶喆與陳心瑩於酒吧中狂歡,兩人飲得酩酊大醉,有指陳心瑩同陶喆係舊相好,五年前更同陶喆秘戀!短時間內兩受打擊嘅正印江佩蓉雖然嬲爆,但事後竟同陶喆和好如初!

玩女洩慾 阮經天

阮經天,許瑋甯在金馬獎慶功宴(記者王文麟攝)

台灣型男阮經天(小天)同女友許瑋甯拍拖8年,期間男方緋聞不絕,身邊女伴換不停,舊愛Joanna曾大爆小天性史,指佢床上耐力驚人之餘,又有性癖好!而5年前小天被爆帶女到酒店開房,曾傷透女友許瑋甯,幸最終箍煲成功。不過,小天去年接拍電影《暴走神探》時,被傳暗撻23歲內地女星、「謀女郎」周冬雨,女方曾剖白喜歡小天,早前二人到意大利拍新戲,許瑋甯事後發現小天劈腿蛛絲馬迹,佢唔再啞忍,主動提出分手,8年情就咁玩完!

專搞花旦 馬德鐘

TUNGSTAR5035732a200811171828265474941151200608191537504285404797a
馬德鐘素有「花旦殺手」稱號,先後跟郭可盈、陳慧珊、佘詩曼、郭羨妮等傳緋聞,爛蒲爛玩,多年來玩女無數,曾氣得老婆攜子出走法國,豈料06年竟趁一支公冇王管,拖秘密情人Katherine遊埠偷情,Katherine姓彭,當時同馬德鐘夜蒲邂逅,明知佢有妻有兒,仍甘願搭上隨傳隨到,關係一直維持約兩年,至遊泰斷正、馬德鐘太太回港一段時間後才被迫斬纜,而馬妻張筱蘭最終仍重投老公懷抱!

車震宗師 梁榮忠

c2_764A_cate_P62_63a{"IPTC-DATA":"NMG","data":{"photoID":2232103}}

一講「車震」,應該冇人會唔記得梁榮忠呢位一代賤男,有索女友鍾麗淇嘅忠仔,05年11月被指經常車出車入多位女藝人,並且態度親暱。起初梁榮忠加以否認,直到狗仔隊影到佢以汽車載送朱慧敏到柴灣僻靜處並喺車上有親密行為,即被傳媒冠以「世紀賤男」稱號,事件令佢聲譽破產,幕前工作近乎零。

拋妻賤男 陶大宇

417b42-05

一代師奶殺手最後都係因為偷食而搞到身敗名裂!陶大宇同拍拖多年嘅太太黃寶慧搞離婚,當年盛傳介入做第三者嘅就係「狐妮」郭羨妮,大宇為咗呢段情放棄大好形象,成為負心賤男,可惜最後都分手收場,最離奇係大宇曾再翻撻前妻,過住「兩公婆」嘅生活,更加衰到o趙完唱,笑郭羨妮係娛圈蕩花,呢啲反轉豬肚,各位女士,認清呢種賤郎喇!

小器賤男 溫兆倫

os261ap44-4

溫兆倫臭史甚多,最經典係96年同陳梅馨離婚時聲稱對方有外遇,向法庭申請要陳梅馨賠10萬補償,又食又拎令溫生喺香港人氣插水,轉戰大陸多年後,返港發展又搭上郭羨妮,呢段感情亦都喺所有人唔睇好嘅情況下結束,「狐妮」亦被一沉百踩。黐過呢位「賤男」嘅,都睇嚟絕冇好下場。

軟飯餓郎 林文龍

201101311629103021608291200906241531295075826769a

林文龍一直被傳扮好仔,實質經常偷食,蒲玩多過工作,靠老婆郭可盈養成頭家,結婚多年屢傳婚變。09年5月被踢爆偷食內地女星董維嘉,被人影咗相之餘重有一段疑似林氏夫婦嘅電話錄音。兩人開晒記招澄清,之後可盈大肚,卻傳出文龍豪賭輸錢50萬。又嫖又賭,呢種賤男點幫?