盧廣仲被黃安舉報 何韻詩：封曬全球歌手啊笨
東莞南方草莓節音樂會，今日可以話係是非多多，「愛港行動」召集人陳淨心今日喺微博留言問點解撐佔中嘅盧凱彤可以出席，而過咗強國發展嘅台灣藝人黃安，呢排就成日化身「愛國小先鋒」，周圍去「舉報」一啲藝人，好似話台灣藝人盧廣仲曾反服貿，又話佢支持台獨﹐所以搞到廣仲要取消演出。
而一向都熱愛香港嘅黃耀明，都有留意廣仲呢件事，仲喺facebook貼咗則新聞，留言話：「btw, 香港的觀眾好彩，本週末Clockenflap有他的演出，大家要好好珍惜，你知道那黑暗的魔爪遲早會伸到這邊來。」而何韻詩都睇到明哥嘅留言就話：「一個藝人，到底要幾得閒同過氣先會走去舉報另一個藝人？咁驚，封曬全球歌手啊笨。」
