hoka one one

Posts Tagged ‘ Harrods

洗米嫂晒噴血三點式 懶理老公拖Mandy

澳門賭業猛人周焯華(洗米華)同正印陳慧玲(Heidi)搞緊離婚,聽聞洗米嫂今次好堅決,縱使家人同朋友都勸佢唔好衝動,但佢好似真係心死,所以唔想再拖落去。

呢頭洗米華同Mandy Lieu甫飛抵英國,即被本報讀者發現喺百貨公司Harrods拖手行街,當時Mandy仲回眸望住洗米華,一副甜到漏咁嘅樣;啱啱又有讀者透過「爆相爆片」提供一張兩人喺英國Selfridges百貨公司行街嘅相片,女方全程用雙手攬實洗米華,笑得好冧……咁洗米嫂……唔係,係Heidi,獲全家力撐到底,所以離婚歸離婚,Heidi同周家嘅人關係仲好好,平安夜就同家人、親友一齊去咗峇里島旅遊。雖然洗米華今年撇甩晒屋企人、一年一度嘅家族聖誕遊破例缺席,但Heidi即使心情欠佳,仍然唔想老人家失望,故還是盡孝心,陪媽咪、老爺洗米爸同仔女一齊出埠過聖誕同元旦。洗米仔周柏豪日前將峇里島嘅酒店泳池照片擺咗喺喺fb,而Heidi就喺fb同微信朋友圈放咗幾張旅行照,包括三點式泳衣照片,以及同仔女、老爺嘅合照。洗米嫂同仔女、老爺影啲相,一家人都好好笑容,似乎都玩得幾開心,睇嚟離婚嘅事暫且拋開咗。睇到Heidi啲性感泳衣照,身材依舊噴血。以佢依家嘅條件,將來回復單身,相信要搵第二春唔會好難。

洗米嫂

洗米嫂