洗米嫂開茶記自食其力
因無法容忍周焯華(洗米華)同Mandy Lieu搞婚外情嘅洗米嫂Heidi（陳慧玲），主動提出離婚後獲老爺一家上下支持，而洗米嫂亦十分堅強，獨力撐起成頭家！
而洗米嫂明白靠男人不如靠自己，所以洗米嫂早前喺澳門開茶記之外，近日更於香港開分店大展拳腳！而洗米嫂好友、陳山聰大嫂李碧君兩夫婦專誠捧場，洗米嫂仲於fb展示幾款招牌菜，留言：「我們的香港東南亞正式試業中，過開香港記得嚟碼頭試下喇。」
除忙搞茶餐廳生意，原來洗米嫂亦投資健康食品生意，仲推出以佢英文名命名Heidi果汁，實行努力賺錢，自食其力！
