林夏薇YoYo 假替身．真眼淚
無綫劇集《逆天奇案》一眾演員林夏薇、馮盈盈、陳展鵬及參與《好聲好戲》的藝人陳自瑤（YoYo）和張振朗等，前晚為節目《開心大綜藝》擔任嘉賓。期間林夏薇與YoYo於表演環節扮演替身，YoYo要扮被糟質、掌摑及掟落軟墊，之後二人更投入到流下真眼淚，夠晒入戲。於男女對唱劇集主題曲環節中，黃智賢、蔣祖曼、劉佩玥及海俊傑獻唱《難兄難弟》，並大跳懷舊舞步。
林夏薇與陳展鵬亦分別領軍獻唱比試，二人事後齊受訪，她笑言喜歡躲在洗手間練歌，更指老公很緊張，會挑剔其音準，笑言自己似參加《聲夢傳奇》。而展鵬笑指囡囡睇電視的「新發現」：「佢會覺得奇怪點解有2個爸爸，一個喺身邊、一個喺電視，而我真人冇咁吸引，佢望一陣就會睇番電視，唔識貨呀！」
