Posts Tagged ‘ 袁偉豪 ’
陳家樂、袁偉豪、劉佩玥、黃智雯及陳自瑤等，昨日為熱播劇《把關者們》造勢，剛中了六合彩的家樂最近事業、愛情、財運3得意，他謙稱「努力中」。提到女友連詩雅自爆曾患情緒病，靠做運動康復，剛巧2人每次被拍都是做運動，他即面紅說：「係各自做運動，我平時做Gym多。（之前一齊去滑水喎！）玩吓啫！唔算運動，唔好問呢啲啦！講到我好尷尬，哈哈！（平時有做其他運動？）畀人影過就冇得否認。（之後約多啲？）咁一齊玩係開心嘅。」
為轉移視線，他更扮記者「拷問」黃智雯何時結婚，智雯笑言未必今年clarks shoes uk，因11月會開新劇，家樂拉埋拍檔落水說：「袁偉豪都係邊拍劇邊結婚。」智雯即笑說：「點同呢！女仔要靚、準備好心情嘛！」
另外，有報道指陳自瑤疑因婚姻問題致情緒崩潰，愁爆到自然療法醫療中心求醫，她再三澄清沒有此事：「我好好，多謝大家關心！」並解釋該中心由朋友開設，當日只是快閃攞嘢，但承認曾接受「髗骶骨治療」作養生、美顏之用。
藝人袁偉豪早前孖老婆張寶兒影寫真，找來專業攝影師操刀，期間手拖手「私奔」，寶兒又穿上Deep V泳衣晒線騷腿，相當有睇頭！不過無論影得多靚，寶兒最愛的攝影師，始終非老公莫屬！
她上載當日由袁偉豪操刀的作品，大玩「老公視角」，nike sneakers見她換上白色喱士薄紗裙配西裝褸，刻意拉低外套跌膊露半球，再次突破性感尺度！影得咁激，難怪袁偉豪影相時成個彈起，連寶兒都笑說：「袁生彈跳力真好。」
另外，有網民留言給寶兒，指她近年影相的眼神「好惡好兇冇感情」，寶兒亦大方回覆：「的確有道理，袁生也常說我眼神兇，可能對他對得多（說笑），等我嘗試柔和一下！」
無綫小生袁偉豪的舊愛岑杏賢（Jennifer）及現任女友張寶兒，生日原來只是相差一天，兩女更有不同慶祝方法！昨日27歲生日的張寶兒，選擇與男友袁偉豪在日本甜蜜度過，更獲男友在當地街頭獻唱生日歌，難怪一臉冧爆，笑得相當甜蜜，一班網民亦祝福他們開心幸福！
與好友開P狂歡
至於Jennifer前日30歲生日，人緣甚廣的她獲多位好友為她舉行派對慶生，相中見朱千雪、湯洛雯、張嘉兒、黃心穎和無綫處境劇《愛．回家》演員莊思明等亦有出席，場地更擺滿氣球，當中有個特大「JEN」字及印有其樣子的氣球，認真有心思！心穎與壽星女合照時拿着巨型J字氣球，更大擺冧樣。
而Jennifer與一眾好友合照亦笑得開懷兼舉起V字手勢，並留言：「言語不能解釋我的開心和感恩。」看來單身的她跟一班好友狂歡已很滿足！
無綫劇《EU超時任務》近日熱播，雖然劇情穿越時空不斷重覆夠晒離奇，不過劇中有齊朱千雪、苟芸慧及劉佩玥等女神，男角方面有王浩信及袁偉豪兩大型男，仲有唔知今次要死幾多次的羅樂林，所以依然話題性十足！
不過最近情況有啲唔同，飾演「水晶梨」的譚凱琪(Zoie)因為早前一場戲成功彈出！劇情講到當記者的水晶梨為咗查案深入虎穴，換上一身性感黑色短裙色誘戴耀明，Zoie神情挑逗聲線嬌嗲，在場男士即時中晒美人計！
不過最注目都係觀眾發現戴耀明下體離奇激凸，成條褲撐到勁高，真係連「小耀明」都交足戲！除咗要讚戴耀明演出夠專業，同時令人驚覺Zoie原來都可以好索！
小編偏心都要講句，Zoie的確唔及千雪BB年輕靚女，不過勝在劇中造型多多，有性感有可愛有四眼，演出自然唔造作。現在加上疑似搞到戴耀明「動L」，人氣肯定急升！
Zoie早前上《Sunday好戲王》 盡展其嬌嗲功力，先係同袁偉豪扮錫錫，之後又不斷發出惹人暇想的呻吟，搞到主持森美都話聽到個人熱辣辣！
下頁重返2000年，認識剛出道的Zoie！
今年34歲的Zoie早於2000年以歌手身份出道，出道至今已16年。日本著名音樂家小室哲哉當年在香港收過六位徒弟，其中較為人認知有陳敏之及葉佩雯，但其實Zoie都係小室弟子之一，當時只有18歲的Zoie更曾在日本推出兩張專輯︰《ガラパゴスのJULIET》、《Rojam Twinstars Ultimate Party Music》。
Zoie亦在香港出過一張名為《全力愛》的唱片，不過銷量未如理想，後來其曝光率愈來愈少。於是在2007年轉投有線，漸漸放下歌手身份，主持過唔少綜藝節目，並在2013年正式轉投無綫。
Zoie曾在2008年參演青春電影《愛鬥大》，仲同「白花油王子」顏福偉有對手戲，不過電影口碑認真一般，相信都冇咩人記得。
Zoie暫時在無綫演出的劇集唔算多，《衝線》、《鬼同你OT》等都係做唔多起眼的配角。不過隨住小花買少見少，Zoie好有可能繼李佳芯(Ali)後上位！
Zoie又唔算嗰種散發仙氣的女神，不過佢對精靈大眼睛同可愛笑容給人親切的感覺，而且亦係少有係將短髮carry得非常好的女藝人！
雖然一向唔係走性感路線，不過Zoie身材其實幾有睇頭，有胸有長腿。正所謂物以罕為貴，久唔久露吓反而令人眼前一亮！
着泳衣的Zoie最近已經好難見得到，值得欣賞欣賞！
睇番Zoie小時候的相片，發覺佢真係冇乜點變！大眼睛同微厚嘴唇細個時已經好突出，可以肯定係純天然！
其實Zoie keep得咁好，就算依家再叫佢扮學生妹都一樣冇問題！希望將來有更多機會睇到佢演出！
袁偉豪自爆與岑杏賢秘戀兩年，視對方為結婚對象。
袁偉豪昨日偕朱千雪、黃智雯及錢嘉樂等出席無綫劇《拆局專家》之「拆解終極結局」花車巡遊活動，又拉大隊乘開篷跑車現身旺角及尖沙咀鬧市，場面熱鬧！
早前傳與黃宗澤力追朱千雪的阿Ben，坦認跟岑杏賢秘戀兩年，亦視她為結婚對象，但未到求婚或訂婚階段，盼大家給予空間。他又自稱比較隱形，平日與女友僅在家中、開車及睇戲時拖手：「除咗媽咪婆婆，冇拖過女仔手。（儲錢結婚？）向呢個目標進發，要畀心機做嘢。（兩年內？）答唔到，但計劃緊。」而獲邀加入「兄弟團」的黃智雯笑言為阿Ben辛苦守秘密：「好戥佢開心，佢女友好靚，我有揀佢做『最上鏡小姐』。」
而首次坐開篷跑車的朱千雪興奮指有型又Free，問到另一半要否有跑車？她說：「唔使，有錢會儲錢買樓。（儲夠首期？）未！希望30歲前買到樓。（平日開車好辣？）以前喺加拿大啲路闊，可以開快啲，坐我車啲人驚。」又透露早前連吃同一警察兩次「牛肉乾」。
提到劇集周二最高收視達28點，嘉樂盼周六大結局破30點，當晚會邀台前幕後食飯，阿Ben則揚言40點會搞泳衣派對，黃智雯笑言打算全體裸泳。問會否一起裸泳慶祝？嘉樂笑說：「我一定會嚟睇，我裸泳驚你哋走！」
他又透露將於十月在內地搞巡唱，而太太湯盈盈的預產期為下月28日：「到時請太太坐觀眾席睇，希望到時『三奶』細女同大女、太太一齊睇。」
