鄧梓峰家族擁20億資產 日本車、西裝用足廿年成慳家隱形富豪
61歲鄧梓峰被指外貌似巴斯光年，加上以前做過皇家義勇軍人，所以又有「真人版巴斯光年」之稱，外界對於佢金牌司儀形象深刻，不過其實鄧梓峰畢業於美國波士頓大學會計系，精通中、英、法及德文，亦有接觸哥爾夫球、潛水、馬術、劍擊、詠春及筆跡分析，認真博學多才；一向作風低調嘅佢早前喺IG與網民拜年，更意外令其豪宅曝光。
鄧梓峰出身非凡，父親鄧廷琮經營空運和海運業務，大哥鄧小宇係作家及「號外」雜誌創辦人，二哥鄧小宙亦係作家並打理家族生意，家族資產高達20億；不過鄧梓峰對家族生意無興趣，oofos shoes只係一心想從事演藝工作。即使出身顯赫，鄧梓峰嘅生活都非常貼地，去年被媒體影到購買79元嘅保暖衣之外，亦曾指自己好專情，一架日本車揸足27年、1995年訂嘅西裝至今都著緊，覺得搵個好嘅裁縫師傅修改一下就已足夠。
鄧梓峰喺無綫多擔任綠葉角色，每次工作量減少時，佢都會學習新技能，例如1999年至2000年陷入司儀工作低潮期，鄧梓峰就走去學駕駛小型飛機並考獲駕駛執照，實現夢想之餘又能自我增值，因為擁有飛行經驗，從而得到《衝上雲霄》監製賞識，參與幕前演出之外，又擔任劇集飛行技術指導。呢兩年疫情期間，鄧梓峰工作量又再減少，佢就趁空閒時間網上學習鋼琴、結他、唱歌等，曾經上過《流行經典50年》自彈自唱得到觀眾讚賞；鄧梓峰直言，每次學一樣嘢並唔係希望立刻對工作有幫助，但最後都會間接幫到工作。
![]({"default":{"load":"default","w":"50","h":"40","src":"//img-s-msn-com.akamaized.net/tenant/amp/entityid/BBBlCh6.img?h=400&w=500&m=6&q=60&o=f&l=f"}})
