hoka one one

Posts Tagged ‘ marvel

百事可樂 推出別注版《蜘蛛俠:不戰無歸》收藏罐 飲可樂贏戲飛及珍藏人偶

粉絲們期待已久Marvel Studios電影《蜘蛛俠:不戰無歸》將於12月在香港上映,這幾個月大家都被一堆「偽宣傳海報」和「偽短片」玩得頭暈眼花。不過今次百事可樂與Sony Pictures合作推出別注聯乘限定版《蜘蛛俠:不戰無歸》收藏罐絕對是真實的。黑色長身罐裝的百事可樂無糖印了 蜘蛛俠 穿上升級版本的「鐵甲蜘蛛裝戰衣」,而經典藍色罐則是即將出現於大熒幕的「黑金色戰衣」。

由即日起至12月9日,凡購買百事或七喜汽水滿$20,必須包括至少一件百事可樂 x 蜘蛛俠珍藏限定版330mL,慿電子單據正本,並於指定網站進行登記,即有機會贏取限量版蜘蛛俠禮品,當中最吸引的絕對是Hot Toys蜘蛛俠™ 黑金色戰衣1:6比例珍藏人偶(共15份),Marvel迷出動!(查詢:http://pepsi.telford.com.hk)

蜘蛛俠
Hot Toys蜘蛛俠™ 黑金色戰衣1:6比例珍藏人偶

《尚氣》男主角劉思慕 唔駛10年由德勤會計師變爆肌Marvel新英雄

《尚氣》男主角劉思慕 唔駛10年由德勤會計師變Marvel新英雄
《尚氣》男主角劉思慕 唔駛10年由德勤會計師變Marvel新英雄

早兩日Marvel新片《尚氣與十環幫傳奇》首條預告片出街,香港觀眾多數留意梁朝偉嘅戲份,以及落足眼力睇吓陳法拉喺邊。至於飾演主角「尚氣」嘅加籍華裔演員劉思慕(Simu Liu),就飽受負評,好多人話唔識佢,又或者嫌佢唔夠靚仔,點解竟然可以打敗彭于晏云云。

《尚氣》男主角劉思慕 唔駛10年由德勤會計師變Marvel新英雄
《尚氣》男主角劉思慕 唔駛10年由德勤會計師變Marvel新英雄

早喺前年公佈劉思慕會做《尚氣》男主角之後,網上已經出現呢類負評,連劉思慕都出過個tweet問Siri自己係咪好醜樣。不過Marvel 揀人向來有一手,當日夠冇人相信Robert Downey Jr 勝任Ironman男主角,結果?唔駛問啦。

今年32歲嘅劉思慕生於中國哈爾濱,父母係工程師,喺佢幼年時就去咗加拿大讀研究院,到5歲先接返劉思慕去加拿大安大略省生活。雙親都係高學歷人士,所以對Simu好高要求,而Simu亦都喺名校西安大略大學商學院畢業,一出校門就已經有offer,仲要係大型會計師行德勤。

《尚氣》男主角劉思慕 唔駛10年由德勤會計師變Marvel新英雄
《尚氣》男主角劉思慕 唔駛10年由德勤會計師變Marvel新英雄

不過做唔夠一年劉思慕就被裁員,之後佢決定轉行做演員,話咁快就有公司簽仲有job接。除咗做特約演員,有學過跆拳道同詠春嘅劉思慕仲會做替身同特技人,就連編劇都做埋。李施嬅有份演出嘅加拿大劇集《血與水》(Blood and Water),其中一季就係劉思慕有份寫劇本。而劉思慕同李施嬅都係簽俾同一個美國經理人。

《尚氣》男主角劉思慕 唔駛10年由德勤會計師變Marvel新英雄
《尚氣》男主角劉思慕 唔駛10年由德勤會計師變Marvel新英雄

真正令劉思慕為人認識嘅係加拿大電視劇Kim’s Convenience,以多倫多一家韓國人家庭經營嘅便利店為背景,劉思慕飾演同老豆不和嘅大仔。劇集喺當地幾受歡迎,由2016年起播放,連續拍咗5季。

2019年Marvel公開徵求《尚氣》男主角,要求係30歲以下華人,當年嘅劉思慕剛剛符合年齡要求,亦解釋咗點解彭于晏、李治廷同吳彥祖點解冇份。爆肌身型加上有武打根底,2019年7月Marvel正式宣佈由劉思慕出任《尚氣》男主角。